Qazaqstandyq bloger Dıas Quzaıyrov reseılikterge til tıgizgeni úshin ákimshilik qamaýǵa alyndy, dep habarlaıdy «Adyrna» tilshisi.
Sot Quzaıyrovtyń qoǵamdyq orynda shý shyǵaryp, ózge adamdarǵa kúsh kórsetip, uıymdastyrýshylarǵa balaǵat sóz aıtqanyn alǵa tartyp otyr.
Pavlodar qalasynyń ákimshilik quqyq buzýshylyqtar jónindegi mamandandyrylǵan sotynyń qaýlysynda blogerdiń 27 qyrkúıekte qala meıramhanalarynyń birinde sheteldikterge arandatýshylyq suraqtar qoıǵany aıtylǵan.
«Ol janjal shyǵaryp, YouTube arnasyna vıdeojazba túsirip, osy áreketi arqyly qoǵamdyq tártip pen jeke tulǵalardyń tynyshtyǵyn buzyp, usaq buzaqylyq jasady»,—dedi mamandar.
Aıta keteıik, Dıas Quzaırov óz kinásin moıyndamady. Buǵan deıin áleýmettik jelide blogerdiń “Qyrym kimdiki?” dep reseılikterge suraq qoıǵan beınejazbasy qyzý talqylanǵan edi.
