Qos azamattyǧy bar reseilık erlı-zaiypty Qazaqstannan şyǧaryldy. Būl turaly Kölıktegı polisiia departamentı mälımdedı, dep habarlaidy “Adyrna” ūlttyq portaly.
Oqiǧa Almaty halyqaralyq äuejaiynda bolǧan. Qūzyrly organ qyzmetkerlerı Reseiden kelgen 71 jäne 69 jastaǧy erlı-zaiyptynyŋ qos azamattyǧy baryn anyqtady. Olardyŋ üstınen Äkımşılık qūqyq būzuşylyq turaly kodekstıŋ 496-baby 2-bölıgı («Şetel azamattyǧyn alu faktısın habarlamau») boiynşa äkımşılık hattama toltyryldy.
“Almaty qalasynyŋ äkımşılık qūqyq būzuşylyqtar jönındegı mamandandyrylǧan audanaralyq sotynyŋ qaulysymen zaŋdy būzǧan erlı-zaiypty elden şyǧarylyp, 5 jyl Qazaqstanǧa kıru qūqyǧynan aiyryldy”, - dedı Kölıktegı PD basşysynyŋ bırınşı orynbasary, polkovnik Madiiar Aituǧanov.Aita keteiık, jyl basynan berı köşı-qon zaŋnamasyn būzǧany üşın 986 adam jauapkerşılıkke tartyldy. Onyŋ ışınde 38 adamnyŋ qos azamattyǧy bary anyqtalǧan. Sondai-aq sot qaulysymen 155 şeteldık elden şyǧaryldy.
