Qaraǧandyda äiel men onyŋ 7 jasar qyzynyŋ denesın orman alqabynan tabyldy. Būl turaly ekaraganda.kz saity mälımdedı, dep habarlaidy “Adyrna” ūlttyq portaly.
Boljam boiynşa, olar kısı qolynan köz jūmǧan. Qaiǧyly oqiǧa 18 nemese 19 qyrküiekte bolǧan. 84 jastaǧy Antonina Iаngeldıŋ aituynşa, şöberesı men nemeresı syrtqa şyǧyp ketıp, qaita oralmaǧan. Bırneşe künnen keiın äjesı ekeuınıŋ de köz jūmǧanyn bılgen. Olardyŋ mäiıtterı Qaraǧandydan Aqtasqa barar joldaǧy orman alqabynan tabylǧan. Közı dūrys körmeitın äje endı jalǧyz qalyp otyr. Onyŋ bır kezderı ūly Germaniiada, qyzy Ukrainada baryp, joǧalyp ketken eken.
Tūrǧyndar alaŋdap otyr. Qart äje az zeinetaqymen ömır süredı, onyŋ tuystary joq. Tamaq jasamaq tügılı, özıne tolyqtai aqarai almaidy. Eŋ soraqysy 33 jastaǧy äiel men 7 jastaǧy qyzdy kımnıŋ öltırgenı belgısız.
“Nemerem qyzymen bırge ūzaq uaqyt Ukrainada tūrǧan. Keiın Qazaqstanǧa oralyp, menımen tūrǧysy keletının aitty. Ony kolledjge oquǧa, sodan keiın medisinalyq mekemege jūmysqa ornalastyruǧa tyrystyq.
Soŋynda avtolombardta esepşı bolyp jūmys ıstedı. Jūmys orny jabylyp qalǧan soŋ sauda ortalyǧynda butiktıŋ satuşysy boldy. Nemeremnıŋalǧaşqy nekesı sätsız aiaqtaldy. Basynda bärı jaqsy bolǧan. Jüktı bolǧannan keiın oǧan kömektesıp tūrdym. Erlı-zaiyptylar bıraz uaqyt bırge tūrdy”, – deidı Antonina Iаngel.
Qariianyŋ aituynşa, bır kezderı nemeresıne belgısız bıreuden hattar kele bastaǧan.
“Ol kımnen, ne jazylǧanyn bılmeimın. Qaiǧyly jaǧdaiǧa sebep boldy ma, ol da belgısız. Polisiia būl ıstı tergep jatyr ma? Ony da bılmeimın. Maǧan eşkım kelgen de joq, qoŋyrau da şalmady” – , deidı äje dırıldegen dauyspen.
Qaiǧyly oqiǧany Qaraǧandy oblysy polisiia departamentı rastap otyr.
“24 qyrküiek saǧat 16.00 şamasynda Aqtas kentınıŋ syrtyndaǧy orman alqabynda denelerı kürt bülıngen 33 jastaǧy azamatşa men onyŋ 7 jastaǧy qyzynyŋ mäiıtı tabyldy. Atalǧan derek boiynşa Qazaqstan Respublikasy Qylmystyq kodeksınıŋ 99-baby 2,3-tarmaqtaryna säikes qylmystyq ıs tırkeldı”, – delıngen polisiia habarlamasynda.
Qajettı saraptamalar taǧaiyndaldy. Poliseiler tergeu jūmystaryn jürgızıp jatyr.
