"Amanat" partiiasynyŋ Şymkent qalalyq filialynda Memleket basşysynyŋ Qazaqstan halqyna arnaǧan Joldauyndaǧy basym baǧyttardy talqylauǧa arnalǧan jiyn öttı. Partiianyŋ Abai audandyq filialy ūiymdastyrǧan pıkırtalas "Zaŋ üstemdıgı jäne ädılettı qoǧam" taqyrybynda öttı.
Partiianyŋ Abai audandyq filialynyŋ atqaruşy hatşysy Esımhan Bertaev jürgızıp otyrǧan jiynǧa «AMANAT» partiiasy Şymkent qalalyq filialy atqaruşy hatşysynyŋ orynbasary Mūratälı Qalmūratov, Qazaqstan özbekterı «Dustlik» qauymdastyǧynyŋ töraǧasy, partiia belsendısı İkram Haşimjanov,
Şymkent qalasynyŋ jūmyspen qamtu jäne äleumettık qorǧau basqarmasynyŋ «Baqytty janūia» ortalyǧy direktorynyŋ orynbasary Erlan Äljanov, «Bolaşaq» bastauyş partiia ūiymynyŋ müşesı, Jol-kölık kolledjı direktorynyŋ orynbasary Berık Eşimov,
«Ūlaǧat» bastauyş partiia ūiymynyŋ müşesı, partiia belsendısı Jaqsylyq Embai jäne mūǧalımder, studentter qatysty.
– Qazaqtyŋ batyr ūly Bauyrjan Momyşūlynyŋ "Tärtıpke baǧynǧan qūl bolmaidy, tärtıpsız el bolmaidy" degen qanatty sözı bar. Iаǧni, kez kelgen qoǧamda tärtıp bolmasa, zaŋ üstemdıgı oryn almasa, damu bolmaityny barşaǧa belgılı. Tıptı, haos oryn aluy mümkın. Sondyqtan, qoǧamda ärdaiym ädılettılık oryn aluy tiıs. Memleket basşysynyŋ Joldauynda da osy mäseleler köterıldı. Prezidenttıŋ bastamasymen ädılettı Qazaqstan qūru jolynda qolǧa alynǧan reformalar nätijesın berıp keledı. Qasym-Jomart Kemelūly prezidenttıkke bır adam 7 jyldyq merzımge bır ret sailanuy boiynşa özgerıs engızdı. Bır sözben aitqanda, zaŋ üstemdıgı bolmasa, qoǧam damuy kerı ketedı, – dedı Mūratälı Orazälıūly.Būdan keiın söz alǧan İkram Haşimjanov Joldauda aitylǧan bırtūtas ūlt bolyp ūiysudyŋ maŋyzdylyǧyna erekşe toqtaldy.
– Bız, Qazaqstanda tūratyn barşa otandastar memleket qalyptastyruşy qazaq halqynyŋ maŋyna toptasyp, bırlıktıŋ bairaǧyn biıktetsek, myqty el, damyǧan memleket bolarymyz anyq. Osy ūstanym bızdıŋ ūranymyzǧa ainaluy kerek, – dedı İkram Akramūly.Jiynda basqa da spikerler Joldauǧa qatysty oi-pıkırlerın ortaǧa salyp, özara sūraq-jauap almasty.
