Áleýmettik jelilerde Almatydaǵy stýdentterdiń «dalada túnep júrgeni» jaıly beınerolık tarady. Ǵylym jáne joǵary bilim mınıstrligi beınerolık avtory jáne oqıǵa kýágerleriniń vedomstvoǵa habarlasýyn suraıdy. Qajet bolǵan jaǵdaıda ol stýdentterge kómek kórsetiledi. Bul týraly QR Ǵylym jáne joǵary bilim mınıstrligi habarlady, dep jazady "Adyrna" ulttyq portaly.
Mınıstrlik basqa óńirlerde bundaı jaǵdaı tirkelmegenin habarlap, Almatydaǵy stýdentterge kómektesýge daıar ekenin málimdedi.
«Almatyda qıyn jaǵdaıǵa tap bolǵan stýdentterge arnalǵan arnaıy jedel shtab jumys isteıdi. Baspanamen qamtý boıynsha stýdentter táýlik boıy 8 778 655 60 83 baılanys telefonyna habarlasa alady. Budan bólek Ǵylym jáne joǵary bilim mınıstrliginiń 1450 biryńǵaı baılanys ortalyǵy jumys isteıdi», - delingen resmı habarlamada.
Sonymen qatar, Ádilet mınıstrliginiń turǵyn úıdi jalǵa alý máseleleri boıynsha tegin zańgerlik keńes beretin 119 (qalalyq telefon) nemese 58-00-58 baılanys nomerine habarlasýǵa bolady (Almaty, Astana).
Elimizdegi barlyq joǵary oqý oryndarynda qoǵamdyq qabyldaý keńseleri ashylǵan. Ol jerge stýdentter, olardyń ata-analary men oqytýshylar júgine alady.
"Adyrna" ulttyq portaly
