Normatıvtik quqyqtyq aktilerdiń sapasy boıynsha jumys isteý qajet.
M.S.Nárikbaev atyndaǵy KAZGIýÝ Ýnıversıteti Ǵylymı saraptama jáne taldaý ınstıtýty jáne Qazaqstan Respýblıkasynyń Sybaılas jemqorlyqqa qarsy is-qımyl agenttigimen birlesip «Sybaılas jemqorlyqqa qarsy ǵylymı saraptamany júrgizýdiń jáne sarapshylardyń sybaılas jemqorlyqqa qarsy ǵylymı saraptama qorytyndylaryn súıemeldeýiniń praktıkalyq aspektileri» taqyrybynda semınar ótkizdi.
Semınarda Ǵylymı saraptama jáne taldaý ınstıtýtynyń dırektory, professor, z.ǵ.d. M.Sh.Qoǵamov, Qazaqstan Respýblıkasy Sybaılas jemqorlyqqa qarsy is-qımyl agenttigi, Qazaqstan Respýblıkasy Ádilet mınıstrligi, jergilikti atqarýshy organdardyń ókilderi, saraptamalyq quramy, úılestirýshiniń ókilderi qatysty.
«Statıstıkaǵa sáıkes, búgingi tańda 6 150 quqyqtyq aktiler jobasy jumys isteýde, onyń ishinde 3 574 jergilikti basqarý organdarynyń quqyqtyq aktilerine tıesili, ıaǵnı normatıvti quqyqtyq aktiler jobalarynyń 59% óńirlik deńgeıde ázirlenýde», - dep atap ótti Ǵylymı saraptama jáne taldaý ınstıtýtynyń basshysy.
Agenttik ókiliniń aıtýynsha, olar aýmaqtyq departamenttermen birlesip,jergilikti atqarýshy organdardyń qorytyndylaryna monıtorıng júrgizdi. «Aqmola oblysynyń mysalynda aǵymdaǵy jyldyń 9 aıynda 180 normatıvti quqyqtyq aktiler berildi, onyń ishinde 93% (168) sybaılas jemqorlyq táýekelderi anyqtaldy. Normatıvti quqyqtyq aktiler jobalaryndaǵy sybaılas jemqorlyq táýekelderiniń eń kóp sany Esil aýdanynda (52), Kókshetaý qalasynda (49), Aqkól (34), Bulandy (32), Zerendi (25) aýdandarynda anyqtaldy. Sarapshylar quqyqtyq olqylyq, aqparatqa qoljetimdiliktiń jetkiliksizdigi jáne basqa sybaılas jemqorlyq faktorlaryn anyqtady», - dedi Qazaqstan Respýblıkasy Sybaılas jemqorlyqqa qarsy is-qımyl agenttiginiń Sybaılas jemqorlyqqa qarsy monıtorıng basqarmasynyń qyzmetkeri.
Ǵylymı saraptama jáne taldaý ınstıtýtynyń úılestirýshisi Moldabek Syrym memlekettik tilde usynylǵan normatıvti quqyqtyq aktilerde kóptegen máseleler bar ekenin aıtty: «Kóbinese qazaq jáne orys tilderindegi mátinder bir-birine sáıkes emes, bul saraptama júrgizýdi qıyndatady. Keıde, tipti, tarmaqtardyń sany men nómirlenýi ár túrli bolady, bul sarapshylar men aýdarmashylardyń jumysyn qıyndatady. Kóbinese saraptama tek joba boıynsha orys tilinde júrgiziledi, al jobaǵa qazaq tilinde tıisti kóńil bólinbeıdi».
