Türkıstan oblysynda 100-den astam adam astan ulanyp qaldy. Būl turaly Türkıstan oblystyq qoǧamdyq densaulyq basqarmasy basşysynyŋ orynbasary Altyn Dosanova aitty, dep habarlaidy “Adyrna” ūlttyq portaly.
Olar 6-9 qazan aralyǧynda Kentau qalasyndaǧy qoǧamdyq tamaqtandyru oryndarynyŋ bırınen tapsyryspen suşi, pissa, fri jäne chiken alǧan.
Altyn Dosanovanyŋ aituynşa, astan ulanǧanyna şaǧymdanǧan jalpy 145 adam kelıp tırkelgen. Onyŋ 98-ı auruhanaǧa jatqyzylǧan. Iаǧni Türkıstan qalasyndaǧy auruhanaǧa 31 nauqas, Kentau qalasyndaǧy auruhanaǧa 67 nauqas jatqyzylǧan. Nauqastardyŋ arasynda 5 jüktı äiel men 33 bala bar. Bärınıŋ jaǧdaiy bügıngı taŋda ortaşa auyr. Sondai-aq 47 nauqas ambulatorlyq deŋgeide tekserıluge jıberılgen. Basylymnyŋ jazuynşa, infeksiianyŋ naqty qandai taǧamnan taraǧany äzırge belgısız. Barlyq taǧamnan zerthanalyq synamalar alynǧan. Būl jaittan keiın qoǧamdyq tamaqtanu orny uaqytşa jabylǧan. Polisiia atalmyş faktı boiynşa qylmystyq ıs qozǧap, sotqa deiıngı tergep-tekseru amaldaryn bastaǧan.
Sondai-aq, Kentau qalasynyŋ sanitarlyq-epidemiologiialyq baqylau basqarmasy men polisiia bölımı atalǧan nysanǧa jospardan tys tekserıs jürgızgen. Nätijesınde käsıpkerdıŋ qajettı sanitarlyq qūjattary men aspazdardyŋ medisinalyq tekseruden ötkenı turaly anyqtamalary joq bolyp şyqqan.
Ūqsas jaŋalyqtar
