Elimizde 2022 jyldyń 20 qarashasy kúni ótetin kezekten tys prezıdenttik saılaýynda elishilk turaqtylyq pen saılaý proedýralarynyń qatań saqtalýyn qamtamasyz etý maqsatynda elimizdiń barlyq aýmaǵyn qamtıtyn óńirlik shtabtary bar táýelsiz baqylaýshylardyń «BAQYLA» Qoǵamdyq qozǵalysy quryldy. Qozǵalystyń baqylaýshylary elimizdiń 26 iri qalasynda barlyǵy 3,2 myńnan astam saılaý ýchaskelerinde baqylaýshylyq jasaıdy, dep habarlaıdy "Adyrna" ulttyq portaly.
"Saılaý proesine belsendi qatysatyn toptyń biri – baqylaýshylar. Olardyń saýatty jumys isteýi, baqylaýdyń barlyq tásilderin tereń meńgere bilýi – Qazaq elindegi Saılaý júıesiniń jaqsarýynyń bir kepili. Meniń mindetim – árbir oblys. qalalardaǵy baqylaýshylardy daıyndaıtyn trenerlerdi daıyndaýǵa arnalǵan arnaıy oflaın, múmkindik bolsa, onlaın semınar-trenıngter júrgizý, saılaýdy baqylaý barysynda týyndaǵan suraqtarǵa jaýap berý", - deıdi Dos Kóshim.
"2019 jyly baqylaýshylar ınstıtýty elde jańa qarqyn alyp, bılik sanasatyn qoǵamdyq kúshke aınalǵany belgili. Biz azamattyq qoǵamdy kúsheıtýimiz kerek, al baqylaýshylar bolsa sol qoǵamnyń myzǵymas oıynshylarynyń biri. Túrli sebepterge baılanysty qazir eldegi azamattyq qoǵamnyń kúıin kóńil kónshitetindeı dep aıtýǵa kelmeıdi. Sol úshin bizdiń uran «Kún saıyn azamat bol!» bolýy kerek. Men úsh jyl buryn belsendi baqylaýshylardyń qatarynda boldym, osy joly el boıynsha baqylaýshylardy qalyptastyrýǵa dárister ótkizý arqyly atsalysaıyn dep jatyrmyn. Baqylaýshylardyń negizgi bóligi jastar bolmaq dep oılaımyn, atap aıtqanda, olarǵa «Azamattyq qoǵam ne úshin kerek?» jáne «Qalaı tıimdi post jazý kerek?» taqyryptarynda dárister ótkizýdi josparlap otyrmyn. Budan bólek proeske jańa baqylaýshylardy tartý da josparda bar. Árıne, eldegi búkil saılaý ýchaskelerin tolyq qamtý úshin 20 myńnyń ústinde bilikti baqylaýshy kerek, az bolyp kóringenmen, el bolyp osy kórsetkishke áli jete almaı kelemiz. Biraq kósh júre túzeledi. 2019 jyly azamattyq belsendiler kótergen týdy túsirmeı, baǵyttan taımaı, baqylaýshylar ınstıtýtyn nyǵaıtýdy jalǵastyra berý kerek. Saılaýdan saılaýǵa baqylaýǵa alynatyn ýchaskelerin sany artsa, erteli-kesh halyqtyń daýysy túgel eskeriletin kúnge de jetemiz", - deıdi Baqytjan Buqarbaı.
"Elimizde ádil ári shynaıy saılaý ótkenin barlyǵymyz da qalaımyz. Alaıda saılaýdyń shynaıy ótýine bılikty qulyqty emes. Jasyratyny joq. Saılaýdyń taza ótýine qarapaıym adamdar múddeli. Kóptegen Qazaqstan azamatynda bergen daýysym, salǵan bıýlletenim ózge kandıdattyń qanjyǵasyna baılanyp ketýi nemese qoqys jáshiginde jatýy múmkin degen kúdik bar. Bul uzaq jyldar boıy qalyptasqan jáne áli de jalǵasyn taýyp kele jatqan saılaýdaǵy quıtyrqy áreketterdiń nátıjesi. Biz bul olqylyqty tolyq sheshpesek te, saılaýda baqylaýshylardy qatystyryp, oqytyp kórgimiz keledi. Árıne, tutas Qazaqstandy qamtý múmkin emes. Ony bıliktik partııalar ǵana jasaı alatyn shyǵar. Biraq barynsha kóp ýchaskeni qamtýǵa tyrysamyz. Iri qalalardy, oblys ortalyqtaryn qamtýǵa tyrysamyz. El boıynsha 6 myńǵa jýyq baqylaýshy oqytýǵa árekettenip, josparlap otyrmyz",- deıdi Ashat Qasenǵalı.
"Adyrna" ulttyq portaly
