Aqtauda tūratyn Qasym men Jomart esımdı egızder jaiynda jazylǧan maqalany oqyǧan Prezident attastaryna hat joldady. Egızderdıŋ äkesı quanyşymen bölıse otyryp, būl otbasy üşın kütpegen tosyn syi bolǧanyn aitty. Būl turaly mangystaumedia.kz habarlady, dep jazady "Adyrna" ūlttyq portaly.
Memleket basşysy Qasym-Jomart Toqaev 13 jastaǧy qos jetkınşekke el üşın qyzmet eter azamat bolyp, biık belesterdı baǧyndyrudy tılegen.
«Ainalaiyn Qasym men Jomart, sender turaly jaqynda habardar boldym. Tereŋ bılım alyp, ülken diplomat bolam dep aldaryŋa biık maqsat qoiypsyŋdar. Būl – memleket müddesı üşın asa qajet mamandyq. Memleketımız, halqymyz üşın bar küşın salyp qyzmet etetın ülken azamat bolyŋdar. Elımızdıŋ keleşegı – jastar. Sol üşın alǧyr, aqyldy, zerek, bılımdı bolyp ösıŋder. Öitkenı būl – zor jauapkerşılık. Bügıngı jasöspırım – erteŋgı el iesı. Sender qanşalyqty bılımdı, bılıktı bolsaŋdar, elımızdıŋ keleşegı sonşalyqty kemel bolady. Zulfiia äjelerıŋnıŋ, ata-analaryŋnyŋ, eldıŋ ümıtın aqtaityndaryŋa kämıl senemın. Özderıŋdei köp tıl bıludı maqsat etken, Otanyn şeksız süietın jastardyŋ ösıp kele jatqanyna quanyştymyn. Ärdaiym osyndai belsendı, talapty bolyŋdar. Ömırde biık belesterdı baǧyndyrularyŋa tılektespın!» - delıngen hatta.Memleket basşysynan arnaiy hat alǧan Qasym men Jomarttyŋ quanyşynda şek joq.
«Olar hatty qaita-qaita oqyp, alǧan äserın dostaryna aityp tauysa almai jatyr. Prezidentımızdıŋ bergen batasy qabyl bolsyn!» - dedı egızderdıŋ äkesı Erlan Mäulenov.№11 mamandandyrylǧan fizika-matematika liseiınıŋ 8-synybynda oqityn Qasym men Jomartty synyptastary üş jyldan berı «Prezident» dep ataidy eken. Memleket basşysynyŋ attastary da mamyr aiynda tuǧan. Ekeuı de bolaşaqta diplomat boludy maqsat etıp, bügınde bırneşe şet tılın meŋgerıp jür.
"Adyrna" ūlttyq portaly
