Toqaev Almaty oblysy jūrtşylyǧymen kezdesu barysynda qaraly Qaŋtarǧa qatysty pıkır bıldırıp, būzaqylar men laŋkesterden batyr jasaudyŋ qajetı joq ekenın aitty, dep jazady "Adyrna" ūlttyq portaly.
«Zaŋ üstemdıgı bolmasa, qoǧamdyq tärtıp ornatu mümkın emes. Basqaşa aitqanda, ışkı saiasatymyzda zaŋ men tärtıptı basşylyqqa alamyz. Tek sonda ǧana bız azamattarymyzdyŋ igılıgıne baǧyttalǧan ekonomikalyq reformalardy tiımdı jürgızu üşın qolaily jaǧdai jasai alamyz. Zaŋ men tärtıp memleketımızdıŋ bedelıne şyn mänınde nūqsan keltırgen qaiǧyly qaŋtar oqiǧasynyŋ qaitalanuyna jol bermeuge mümkındık beredı. Odan sabaq alu kerek jäne būzaqylar men laŋkesterden batyr jasaudyŋ eş qajetı joq. Belgılı bır küşterdıŋ jetegıne ergen jäne kışıgırım qylmystar jasaǧandarǧa raqymşylyq jariialadym. Olar halqymyzdyŋ tüpkı müddesıne müldem sai kelmeitın jeke maqsatty közdeidı. Juyq arada memleketke satqyndyq jasaǧandar, ekıjüzdılık jäne qorqaqtyq tanytqandar sot aldynda jauap beredı. Qaiǧyly jaǧdaiǧa jol bergen nemese arandatuşylyq äreket jasaǧandardyŋ ısterı boiynşa tergeu jalǧasady», - dedı Toqaev.
"Adyrna" ūlttyq portaly
