Otandyq fılmnen rýhanı qýat alyp, júregine erekshe jylylyq uıalatqan 4-cynyp oqýshysy Ámına Sanatqyzy "Dos-Muqasan" tobynyń sańlaqtaryna hat joldady, dep habarlaıdy "Adyrna" ulttyq portaly.
Áleýmettik jelidegi tileýqor qaýymnyń nazaryn aýdarǵan jyly jazba, erekshe hatty Ámınanyń anasy, jýrnalıst Nazym Dýtbaeva bólisti:
"Men Dos-Muqasan fılmin kórdim. Meniń kishkentaı kezimde bul topty bilmedim. Biraq Murat Qusaıynovtyń shashy erekshe bolǵandyqtan esimde saqtap qaldym. Men fılmdi kórgennen keıin erekshe sezimde boldym. Men sodan keıin olardy kórgim keldi. Biraq men keıbir músheleri ketkendikter kezdese almaıtynymdy bildim... Biraq qazirgi múshelerimen kezdesemin dep úmittenemin", - dep jazdy náreste kóńildi Ámına.
Aıshyqtaı keteıik, Ámına Sanatqyzy Qaraǵandy qalasyndaǵy Slamııa Sattarov atyndaǵy 57-mekteptiń oqýshysy. Ozýda - ozat, qaǵilez. Ámınanyń anasy únemi perzentin qazaqy qundylyqtarmen sýsyndatyp, olarǵa ulttyq tárbıe berip keledi.
"Adyrna" ulttyq portaly
