QR Prezıdenttigine úmitkerlerdiń respýblıkalyq shtaby ashylyp, el ishinde úgit-nasıhat jumystaryn bastap ketti. Qasym-Jomart Toqaev, Jıgýlı Daırabaev, Nurlan Áýesbaev, Saltanat Tursynbekova, Meıram Qajyken, Qaraqat Ábden syndy 6 úmitker saılaý naýqanyndaǵy naqty qadamdaryn talqylady. Sonymen qatar, úmitkerler kampanııa aldynda turǵan maqsat-mindetterdi belgiledi. Bul týraly "Adyrna" ulttyq portaly habarlady.
21 qazan saǵat 18.00-de QR Prezıdenttigine kandıdat Qasym-Jomart Toqaevty qoldaý jónindegi Respýblıkalyq qoǵamdyq shtab elimizdiń barlyq óńirinde úgit-nasıhat naýqanyna kiristi. Halyqtyq koalıııanyń belsendileri elimizdiń barlyq óńirinde úgit-nasıhat baspa ónimderin taratý jáne aqparattyq materıaldardy BAQ pen áleýmettik jelilerge jarııalaýdy bastady.
Erteń Respýblıkalyq qoǵamdyq shtabtyń alǵashqy otyrysy ótedi. Sonymen qatar, kelesi aptadan bastap RQSh músheleri saılaýshylarmen kezdesý úshin aımaqtarǵa barady.
Qazaqstan Respýblıkasynyń Prezıdenttigine kandıdat Jıgýlı Daırabaev óziniń saılaýaldy baǵdarlamasymen tanystyrdy.
«Meniń saılaýaldy baǵdarlamam bizdiń basty ulttyq artyqshylyqtarymyz – dala demokratııasy qaǵıdattaryn; joǵary rýhanı-adamı mádenıetti; kúshti agrarlyq salany jáne myqty óńirlerdi barynsha iske asyrýǵa negizdelgen jańa Qazaqstandy qurýǵa baǵyttalǵan», – dedi kandıdat Jıgýlı Daırabaev.
Jalpyulttyq soıal-demokratııalyq partııadan QR prezıdenttigine úmitker Nurlan Áýesbaevtyń saılaýaldy shtabyn ashý jónindegi uıymdastyrý komıtetiniń jıyny ótti. Saılaýaldy shtabtyń jetekshisi qyzmetine JSDP tóraǵasy Ashat Rahymjanov saılandy.
«Ókinishke qaraı, aýmaqtyń saılaý komıssııalary jınalǵan qoldyń bir bóligin túrli syltaýmen keri qaıtardy. Buǵan qaramastan biz zańnamada belgilengen kólemdi artyǵymen jınadyq», – dep habarlady Saılaýaldy shtab jetekshisi Ashat Rahymjanov.
QR Prezıdenttigine kandıdat Saltanat Tursynbekova óz shtabymen birge statýs-kvony, sondaı-aq aldaǵy kezeńge arnalǵan josparlardy talqylady.
Saltanat Tursynbekova kúshterdi ádildik pen áleýmettik teńdikti qamtamasyz etýge, balalardy, áıelderdi, qarttardy jáne múmkindigi shekteýli adamdardy qorǵaý men qoldaýdyń tıimdi jáne naqty tetigin qurýǵa baǵyttamaq. Qujatta úsh negizgi baǵyt anyqtalǵan: otbasylardyń ál-aýqatyn jaqsartý, otbasynyń qaýipsizdigin qamtamasyz etý, sondaı-aq adamı kapıtaldy damytý.
Prezıdenttikke úmitker Meıram Qajykenniń óziniń saılaýaldy baǵdarlamasynyń basty baǵyttary týraly aıtyp berdi. Baǵdarlamanyń basty fokýsy – jasy, jynysy, ulty, dini men áleýmettik mártebesine táýelsiz Adam bolyp canalady.
"Azamattyq qoǵamnyń damýyna, onyń ishinde kásipodaq múddelerin kórsetetin memleket, jumys berýshi jáne qyzmetker arasyndaǵy dıalog yqpal etedi. Biz zańnamalyq deńgeıde taraptar dıalogyn qoldaný aıasyn keńeıtýge, sol arqyly áleýmettik áriptestik ınstıtýtyn jetildirýge nıettimiz", - dedi M.Qajyken.
20 20 qazan kúni QR Prezıdenttigine kandıdat Q. Ábden shtabynyń birinshi otyrysy ótti. Onda óńirlerdegi úgit-nasıhat naýqanynyń baǵdarlamasy, is-sharalar jospary bekitildi. Sondaı-aq, qatysýshylar ár aımaqqa saıahat josparyn, kandıdat baǵdarlamasyn egjeı-tegjeıli talqylady.
"Adyrna" ulttyq portaly
