Irkýtskide apatqa ushyraǵan Sý-30 áskerı ushaǵynyń eki ushqyshy da qaza tapty, dep jazady "Adyrna" ulttyq portaly.
Zakon.kz habarlaýynsha, Sý-30 áskerı joıǵysh ushaǵy synaq kezinde apatqa ushyraǵan. Aımaqtyq TJD basshysynyń aıtýynsha, ushaq Pavel Krasılnıkov kóshesindegi úıge qulaǵan.
Ushaq áýejaıdan jergilikti ýaqyt boıynsha 17:47-de áýege kóterildi. Sodan keıin birden baılanys úzilgen. Ile-shala taǵy bir Sý ushaǵy áýege attandy. Onyń ekıpajy apatqa ushyraǵan áskerı ushaq ushqyshtarynyń es-tússiz kúıde bolǵanyn kórgen.
Sý-30 - 4+ býynynyń kóp maqsatty joıǵysh ushaǵy jáne ol Irkýtski avıazaýytynda jasalyp shyǵarylady.
"112" málimetteri boıynsha, ushaq qulaǵan jeke úıdiń úsh turǵyny evakýaııalanyp úlgergen. Aýdany 100 sharshy metrdi quraıtyn turǵyn úı eki otbasyǵa arnalǵan.
Jergilikti halyq arasynda qurban bolǵandar joq, órt oqshaýlandy, dep atap ótti vedomstvodaǵylar.
"Adyrna" ulttyq portaly
