Memleket basşysy Qasym-Jomart Toqaev Europalyq Keŋestıŋ Prezidentı Şarl Mişelmen kelıssöz jürgızdı, dep habarlaidy «Adyrna» tılşısı.
Qasym-Jomart Toqaev Şarl Mişelge ıltipat bıldıre otyryp, Europalyq Odaqpen strategiialyq serıktestıktı damytu ärqaşan Qazaqstannyŋ basty syrtqy saiasi basymdyqtarynyŋ bırı bolǧanyn atap öttı.
– Sızdıŋ saparyŋyz Qazaqstan men Europalyq Odaq arasyndaǧy serıktestıktıŋ barlyq salasynda qol jetkızgen maŋyzdy jetıstıkterdı aituǧa jaqsy mümkındık beredı. Kelesı jyly mereilı datany – diplomatiialyq qarym-qatynastardyŋ 30 jyldyǧyn atap ötemız. Sızdıŋ Qazaqstanǧa resmi saparyŋyz özara qarym-qatynasymyzdy jaŋa deŋgeige köteruge müddelı ekenımızdı bıldıredı, – dedı Qazaqstan Prezidentı.Qasym-Jomart Toqaev Qazaqstan Europalyq Odaqpen Keŋeitılgen serıktestık jäne yntymaqtastyq turaly kelısımge qol qoiǧan Ortalyq Aziiadaǧy alǧaşqy el ekenın atap öttı. Memleket basşysynyŋ aituynşa, joǧary deŋgeidegı tūraqty bailanystar Qazaqstan men EuroOdaq arasyndaǧy jan-jaqty dialogty damytuǧa zor mümkındık beredı. Europalyq Keŋes Prezidentı Şarl Mişel Qasym-Jomart Toqaevqa qonaqjailylyǧy üşın alǧys aityp, Qazaqstan men EO arasyndaǧy yntymaqtastyqtyŋ qarqyndy damyp kele jatqanyna köŋılı tolatynyn atap öttı.
– Bız alǧaş Briusselde kezdestık. Sodan berı tyǧyz bailanys ornatyp, türlı salada jūmys ıstep kelemız. Öŋırlık deŋgeide bırlesken jūmys jürgızu maŋyzdy. Sızben yntymaqtastyǧymyzdyŋ özektı mäselelerın, sonyŋ ışınde klimattyŋ özgeruıne qatysty mäselenı talqylau maqsatymen kezdeskenıme quanyştymyn, – dedı Şarl Mişel.Kezdesude taraptar energetika jäne azyq-tülık qauıpsızdıgı, «jasyl» ekonomikany damytu, kölık jäne logistika mäselelerın jan-jaqty talqylady. Sonymen qatar olar Ortalyq Aziia – Europalyq Odaq formatyndaǧy yntymaqtastyqty damytu mäselelerı jönınde pıkır almasty.
