Qazaqstan Prezidentı jiynda söilegen sözınde Ortalyq Aziia elderı men Europalyq Odaq arasynda ornaǧan diplomatiialyq qatynastardyŋ 30 jyldyǧy qarsaŋynda ötıp otyrǧan osy kezdesudıŋ simvoldyq mänı bar ekenın atap öttı. Būl turaly Aqordanyŋ baspasöz qyzmetı habarlady, dep jazady "Adyrna" ūlttyq portaly.
– Europalyq Odaq Ortalyq Aziiany tereŋ tarihy men ortaq mädenietı bar bırtūtas, yntymaǧy jarasqan aimaq retınde alǧaşqylardyŋ bırı bolyp tanyǧanyn aitqym keledı. 30 jyl ışınde bızdıŋ Europalyq Odaqpen qarym-qatynasymyz aitarlyqtai damydy jäne Ortalyq Aziia memleketterınıŋ egemendıgın, täuelsızdıgı men territoriialyq tūtastyǧyn nyǧaituǧa yqpal ettı. Yntymaqtastyqtyŋ barlyq basym salasynda öŋıraralyq dialog ornady, äleuetımız älı de mol. Bügıngı joǧary deŋgeidegı kezdesu – saiasi, ekonomikalyq jäne gumanitarlyq salalardaǧy konstruktivtı özara bailanystardy odan ärı keŋeituge degen ūmtylysymyzdyŋ aiqyn dälelı, – dedı Memleket basşysy.Qasym-Jomart Toqaevtyŋ pıkırınşe, Aziia men Europa qūrlyqtary şektesetın jerde ornalasqan Ortalyq Aziia geosaiasi ortalyqtar men älemdık naryqtar arasyndaǧy bailanystyruşy köpır sanalady. Sondai-aq Prezident öŋıraralyq özara yntymaqtastyqty keŋ auqymda damytuǧa degen ūmtylys Ortalyq Aziia elderı men Europalyq Odaq arasyndaǧy jan-jaqty dialogtyŋ berık ırgetasy bolatynyna senım bıldırdı.
– Älem jyldam özgerıp jatyr. Ortalyq Aziia būryn-soŋdy bolmaǧan geosaiasi şielenısten tuyndaǧan qauıptı sezınedı. Bügınde Euraziia kındıgınde özara senım men yntymaqtastyq ruhyn küşeitu öte maŋyzdy. Osyndai kürdelı kezeŋde Ortalyq Aziia men Europada ornalasqan elderdıŋ arasyna qabyrǧa emes, köpır saluymyz kerek, – dedı Qazaqstan Prezidentı.Sonymen qatar Memleket basşysy Qazaqstannyŋ Auǧanstandaǧy jaǧdaidy jan-jaqty retteuge qol jetkızu ısıne öz ülesın qosyp otyrǧanyn atap öttı. Osy maqsatta diplomatiialyq küş-jıger jūmyldyrylyp, būl elge gumanitarlyq kömek jıberılıp jatyr. Memleket basşysy sauda-ekonomikalyq jäne investisiialyq ıs-ärekettı yntymaqtastyqtyŋ asa maŋyzdy baǧyttarynyŋ bırı retınde atap öttı. Bügınde Europalyq Odaq – Qazaqstannyŋ basty ekonomikalyq ärı sauda serıktesterınıŋ bırı.
– Soŋǧy on jylda Europalyq Odaq Ortalyq Aziia memleketterıne 120 milliard dollardan astam investisiia qūidy. Būl, ıs jüzınde, aimaqqa tıkelei salynǧan investisiianyŋ 40 paiyzyn qūraidy. Bükıl qarjynyŋ şamamen 70 paiyzy Qazaqstanǧa bölındı. Biyl 8 aida Qazaqstan men Europalyq Odaqqa müşe elder arasyndaǧy sauda kölemı şamamen 30 milliard dollarǧa jetıp, byltyrǧy osy kezeŋmen salystyrǧanda 40 paiyzdan astam artty. Qazırgı taŋda europalyq kapitaldyŋ ülesı bar üş myŋǧa juyq kompaniia Qazaqstan ekonomikasynyŋ türlı sektorynda jūmys ıstep jatyr, – dedı Memleket basşysy.Prezidenttıŋ aituynşa, elderımız arasyndaǧy sauda-sattyqtyŋ qūrylymy anaǧūrlym teŋgerımdı boluy kerek.
– Qazaqstan maşina jasau, temır men bolat öndırısı, tamaq önerkäsıbı jäne auyl şaruaşylyǧy sekıldı salalarda jylyna qūny 1,5 milliard dollardy qūraityn 100-den asa öŋdelgen önım ūsyna alady. Azyq-tülık qauıpsızdıgınıŋ keleşegı mol. Özderıŋızge mälım, jyl saiyn şetelge, sonyŋ ışınde Europalyq Odaq elderıne 5 million tonnadan astam bidai eksporttaimyz. Tek byltyr Qazaqstannyŋ Europa elderıne eksporttalatyn azyq-tülık tauarlarynyŋ kölemı 32 paiyzǧa ūlǧaiyp, 630 million dollardan asty. Osy sebeptı Qazaqstan Europalyq Odaq elderıne auyl şaruaşylyǧy önımderı men mineraldy tyŋaitqyştardy jetkızudı jalǧastyra alady. «Jasyl» energetika – būl bölek mäsele. Bız būl baǧytta da tyǧyz jūmys ıstei alamyz. Jalpy, Qazaqstan men Europalyq Odaq arasyndaǧy yntymaqtastyq jalǧasatynyna senım bıldıremın, – dedı Qasym-Jomart Toqaev.Sonymen qatar kezdesude Europalyq Keŋes Prezidentı Şarl Mişel, Qyrǧyzstan Prezidentı Sadyr Japarov, Täjıkstan Prezidentı Emomali Rahmon, Özbekstan Prezidentı Şavkat Mirziioev jäne Türıkmenstan Ministrler kabinetı töraǧasynyŋ orynbasary Hodjamūrat Geldımuradov söz söiledı. Jiyn soŋynda Ortalyq Aziia memleketterınıŋ basşylary jäne Europalyq Keŋes Prezidentı būqaralyq aqparat qūraldary üşın Bırlesken mälımdeme qabyldady.
"Adyrna" ūlttyq portaly
