«Qazaqstan boıynsha 90 myńǵa jýyq stýdentke jataqhanadan jetispeıdi». Bul pikirdi QR Parlamenti Májilisiniń depýtaty Elnur Beısenbaev "Suraýy bar" YouTube arnasyna bergen suhbatynda aıtty, dep jazady "Adyrna" ulttyq portaly.
"Qazaqstan boıynsha 90 myńǵa jýyq stýdentke jataqhanadan oryn jetispeıdi. Sonyń 60 myń orny eki qalada: Almaty jáne Astanada. Eń kóp JOO-y shoǵyrlanǵan Almatyda Abaı atyndaǵy qazaq ulttyq pedagogıkalyq ýnıversıteti bar. Qazirgi stýdentteriniń sany - 16 myńnan asady. 16 myń stýdenttiń 12 myńǵa jýyǵy shet jaqtardan, aýyl-aımaqtardan kelgen. 12 myń stýdentke ne kerek? Jataqhana kerek. Biraq bizdegi bul ýnıversıtettiń jataqhanalyq fondy - 2 myń oryn. 16 myń stýdentke 2-aq myń oryn bar. Taǵy bir aqparat aıtaıyn. Júregińiz aýyrady. Ult ustazynyń 150 jyldyq mereıtoıyn toılap jatqan jyly №1 pedagogıkalyq ýnıversıtettegi eń jańa jataqhana - 1958 jyly salynǵan. Sonda biz 30 jyl táýelsizdigimizde pedagogtardy tárbıeleıtin ýnıversıtetke bir jataqhana salyp berýge qaýqarsyz boldyq",- deıdi depýtat.
