Almaty tūrǧyndarynyŋ sany jyl saiyn ösıp jatyr. Sonyŋ 60 paiyzy köşı-qon arqyly jüzege asady. Būl turaly Prezident Qasym-Jomart Toqaev megapolis tūrǧyndarymen kezdesu barysynda aitty, dep jazdy «Adyrna» tılşısı.
Qala halqynyŋ sanynyŋ ösuı öz kezegınde qalanyŋ äleumettık infraqūrylymyna eleulı äser etedı. Qazır qaladaǧy balabaqşalarda 19 myŋnan astam oryn jetpeidı. Būl tapşylyqty azaitu üşın memlekettık jäne jeke menşık balabaqşalardy şūǧyl türde salu qajet-aq.
«Balalardy memlekettık bılım tapsyrysy arqyly mektepke deiıngı jeke bılım beru mekemelerıne ornalastyru qajet. Äkımdıkke üşten alty jasqa deiıngı balalardyŋ 97 paiyzyn mektepke deiıngı bılımmen qamtudy tapsyramyn. Būl mındettı 2025 jylǧa deiın oryndau kerek»,-dedı Toqaev.Almatyda oquşylardyŋ sany jyl saiyn orta eseppen 12-15 myŋǧa artyp keledı. Sol sebeptı, mektepterde oryn tapşylyǧy joǧary. Qazır 29 myŋnan astam oquşyǧa oryn jetpeidı. Būl ahual oquşylardyŋ sapaly bılım aluyna kerı äser etedı.
«Almatyda aldaǧy ekı jyl ışınde «Jaily mektep» jobasymen 37 myŋ oryndyq 22 mektep salu kerek. Basty mındet – 2030 jylǧa qarai bır auysymmen oqytuǧa tolyq köşu. Işkı migrasiia qarqyndy damyp jatqandyqtan, osyndai mäseleler tuyndap otyr. Alaida, jas ūrpaqty sapaly balabaqşa, mekteppen qamtamasyz etu – bızdıŋ mındetımız. Sondyqtan, būl tapsyrmalar mındettı türde tolyq oryndaluy kerek»,-deidı Prezident.
Ūqsas jaŋalyqtar
