Qazaqstanda äleumettık ideialar men jobalardy jüzege asyru üşın kraudfanding alaŋy ıske qosyldy.
Asarga.kz saity äleumettık, bılım beru, mädeni-gumanitarlyq sipattaǧy özektı mäselelerdı şeşude ükımettık emes ūiymdar men biznestıŋ özara ärekettesuın damytuǧa tolyǧymen baǧyttalǧan Qazaqstandaǧy alǧaşqy kraudfanding alaŋy bolyp tabylady.
Joba jetekşısı, «Social Development Center» qoǧamdyq qorynyŋ atqaruşy direktory Bırjan Qaztūrǧanovtyŋ aituynşa asarga.kz portalyŋ basqa kraudfanding platformalarynan bır maŋyzdy erekşelıgı bar. Ol jeke tūlǧalardan tıkelei qarajat jinau mümkındıgın joqtyǧy.
«Bız biznesten investisiia men demeuşılık tartuǧa bel budyq. Portal özınşe bır vitrinaǧa, «äleumettık jobalar supermarketıne» ainalauy tiıs. Mūnda käsıpkerler men ırı kompaniialar özderın qyzyqtyratyn jäne mümkındıkterıne sai äleumettık jobalardy taba alady, al kommersiialyq emes ūiymdar öz ideialaryn jüzege asyru üşın qarajat tarta alady», – deidı Bırjan Qaztūrǧanov.
Memleket, biznes jäne azamattyq qoǧam arasyndaǧy serıktestıktı damytu mäselelerı tūraqty türde tyŋdalady. Juyrda ǧana el Prezidentı Qasym-Jomart Toqaev özınıŋ jyl saiynǧy joldauynda «azamat – biznes – memleket» triadasyndaǧy qarym-qatynastardy tereŋ qaita qūru qajettıgın aitqan bolatyn.
Alaida, «Social Development Center» qoǧamdyq qorymen sūhbattasqan sarapşylardyŋ pıkırınşe, serıktestıktıŋ tabysty ülgılerınıŋ boluyna qaramastan, ükımettık emes ūiymdar sektoryn damytuǧa da, biznestı damytu mümkındıkterıne de qatysty üşjaqty yntymaqtastyqty jaqsartuda bırqatar problemalar men qiyndyqtar bar.
Qoǧam mäselelerıne biznestıŋ qyzyǧuşylyǧynyŋ artuy jaǧymdy sät bolyp tabylady. Üşjaqty serıktestıktı taldau aiasynda bız barlyq üş sektordyŋ ökılderı arasynda saualnama jürgızdık. Bız saualnama jürgızgen respondentterdıŋ 53%-dan astamy qazaqstandyq käsıpkerlerbiznestıŋ äleumettık jauapkerşılıgı qaǧidattaryn jüzege asyruǧa äbden pısıp-jetıldı dep esepteidı», – degen mälımettı joba ökılı Beibıt Turabaev berdı.
