Qurlyq áskerleri Áskerı ınstıtýtynda elimizdiń egemendik alǵan kúninen bastap Qazaqstan Respýblıkasynyń tárbıe jáne áleýmettik-quqyqtyq jumystar jónindegi tuńǵysh orynbasary bolǵan general-maıor Aıtqalı Gýsmanovıch Isengýlovtyń 75-jyldyq mereıtoıyn qurmetteý saltanaty ótti. Saltanatty is-sharada Qazaqstan Respýblıkasynyń Qarýly Kúshteri Bas shtab bastyǵynyń orynbasary general-maıor Mýhamedjan Talasov, Qarýly Kúshter ardagerleri, Almaty garnızonynyń qurylymdary men áskerı bólim komandırleri, áskerı oqý oryndarynyń professorlyq oqytýshylyq quramy, kýrsanttary jáne tárbıelenýshileri qatysyp tárbıesi mol is-sharanyń kýágeri boldy.
Qurlyq áskerleri Áskerı ınstıtýty murajaıynda ataýly kúnge qurmet kórsetip mereıtoı ıesi A.G.Isengýlovqa arnalǵan buryshtyń saltanatty ashylý rásimi ótti. Qazaqstan Respýblıkasy Qarýly Kúshteri qurylýy jáne damýyna qosqan úlesi úshin Qorǵanys mınıstriniń buıryǵymen general-maıor A.G.Isengýlov birinshi dárejeli «El qorǵany» medalimen marapattaldy.
A.G.Isengýlov 1943 jyly Orynbor oblysynda dúnıege kelgen. QSRO Qarýly Kúshterinde armııalyq ómir joldyń bastaýyn sarbazdan bastap general sheninde támamdady.
Táýelsiz Qazaqstan áskerleri qurylǵan kúninen bastap Qazaqstan Respýblıkasy Qorǵanys mınıstriniń keńesshisi, keıinde tuńǵysh Qorǵanys mınıstriniń tárbıe jáne áleýmettik-quqyqtyq jónindegi orynbasary laýazymdaryna taǵaıyndalyp Qazaqstan Respýblıkasy Qarýly Kúshteriniń qurylymdaryna tárbıeshilerdi engizýshiniń negizin qalaýshysy boldy.
Qyzmet barysynda «Qurmet belgisi», «Qyzyl juldyz», «Qurmet» jáne basqa da 35 medalmen marapattaldy.
Búgingi tańda Aıtqalı Gýsmanovıch Isengýlov eńbegi sińgen erendi demalysta bolsa da qoǵamdyq ómirde jáne jastardy áskerı patrıottyq tárbıeleýde belsene qatysýda.
Qurlyq áskerleri Áskerı ınstıtýtynyń baspasóz qyzmeti
