Men ony alǧaşynda baiqaǧan da, bılgen de emespın. Öitkenı men ol kezde bala edım. Körşı - qolaŋ, äkemnıŋ ne ıstegenıne köp köz salatynmyn. Aqyl, sana, küşım jetkenşe qaitalauǧa tyrysatynmyn. Äsırese, äkemşe jötelsem el riza bolyp kületın edı. Qoldary bosai qalǧan kezde «Jūmadıl ata qaitedı», «Bätış apa qaitedı», «Maqaş aǧa ne ıstedı» dep sūrap alyp, menıŋ atalǧan jandardy ainytpai salǧanymdy körıp, köp taŋdanysatyn. Äkem ūzaq qarap otyryp: «Osy ärtıs bolar ma eken» deitın.
Bıraq bır künı men köleŋkemdı kördım de, qorqyp jylap jıberdım. Jazdyŋ jaidary şuaqty bır künı qasymnan paida bolǧan köleŋkem men nenı ıstesem de däl qaitalar. Ol tym qorqynyşty bolatyn. Men basynda odan qūtylmaq niet etıp jan sala jügırdım. Ol qalmady. Otyrsam otyryp, tūrsam tūryp, jatsam jatatyn edı. Tek menen erekşelıgı qara, ärı ünsız. Keşke jatqanda endı senı körmespın-aq desem de, taŋerteŋ bırge jüredı. Ärı onyŋ aşyq künı ǧana ılesetınıne taŋ qaldym. Ol būltty, jaŋbyrly künderı ǧaiyp bolatyn da, men elden jyraq, bölek oinaitynmyn. Osylai köŋıldı baladan tūnjyr, tūiyq balaǧa ainalyp kettım. Tek mektepke barǧan kezde ǧana ony köp balalar köleŋkesı ışınde joǧaltyp aldym. Sabaq, oiyn, üidegı jūmys bärı bırıgıp kelıp, ony ūmyttyryp jıberdı.
Men ony alǧaşynda baiqaǧan da, bılgen de emespın. Öitkenı men ol kezde bala edım. Körşı - qolaŋ, äkemnıŋ ne ıstegenıne köp köz salatynmyn. Aqyl, sana, küşım jetkenşe qaitalauǧa tyrysatynmyn. Äsırese, äkemşe jötelsem el riza bolyp kületın edı. Qoldary bosai qalǧan kezde «Jūmadıl ata qaitedı», «Bätış apa qaitedı», «Maqaş aǧa ne ıstedı» dep sūrap alyp, menıŋ atalǧan jandardy ainytpai salǧanymdy körıp, köp taŋdanysatyn. Äkem ūzaq qarap otyryp: «Osy ärtıs bolar ma eken» deitın.
Bıraq bır künı men köleŋkemdı kördım de, qorqyp jylap jıberdım. Jazdyŋ jaidary şuaqty bır künı qasymnan paida bolǧan köleŋkem men nenı ıstesem de däl qaitalar. Ol tym qorqynyşty bolatyn. Men basynda odan qūtylmaq niet etıp jan sala jügırdım. Ol qalmady. Otyrsam otyryp, tūrsam tūryp, jatsam jatatyn edı. Tek menen erekşelıgı qara, ärı ünsız. Keşke jatqanda endı senı körmespın-aq desem de, taŋerteŋ bırge jüredı. Ärı onyŋ aşyq künı ǧana ılesetınıne taŋ qaldym. Ol būltty, jaŋbyrly künderı ǧaiyp bolatyn da, men elden jyraq, bölek oinaitynmyn. Osylai köŋıldı baladan tūnjyr, tūiyq balaǧa ainalyp kettım. Tek mektepke barǧan kezde ǧana ony köp balalar köleŋkesı ışınde joǧaltyp aldym. Sabaq, oiyn, üidegı jūmys bärı bırıgıp kelıp, ony ūmyttyryp jıberdı.
Tek mektep bıtırgen kezde ǧana ony kördım. Ol tura men sekıldı ūzyn, denelı symbatty bolypty. Ony myjyp tastaǧym keldı. Ädeiı sol üşın üiden şyqpaityn boldym. Ekı iyǧyna ekı kısı mıngendei tolysqan nemenı körgım kelmedı. Tek tünde qydyrudy ūnattym, menen dostarymnyŋ bärı bezındı. Äsırese, menı jaqsy köretın synyptas qyzym tastap kettı. Şynyn aitu kerek, men kündız qyzymmen qydyrudy ūnatpaitynmyn, üşeu bolyp jürgen kımge kerek.
Aiaǧynda bükıl auylda aralasatyn eşkım qalmaǧan soŋ, qalaǧa ketıp oquǧa tapsyrdym. Köz maiymdy tauysqan künderdıŋ esesı qaityp, oŋai student boldym. Qyzy köp, qyzyǧy köp şahar bärın ūmyttyrdy. Joǧary oqudan soŋ, mūǧalım bolyp, bırden direktorlyq qyzmetke auystyryldym. Osy kezde ony joǧaltyp aldym. Öitkenı menıŋ orynbasarlarym, jerlesterım, tanystarym ony körsetpeitın edı. Artyŋda, aldyŋda, janyŋda solar tūrǧandyqtan bärı ūmytyldy. Ras, būl menıŋ baqytty şaqtarym edı.
Tättı künder men direktorlyqtan şyǧyp qalǧan soŋ üzıldı. Bärı ketıp ekeuımız ǧana qalyppyz. Ol eŋkeiıp, jüdep ketken eken.
Men baqytty edım. Ol būrynǧydai jügıre almaityn bolypty. Bız bır-bırımızdı ūzaq aŋdydyq. Uaqyt köp, ıs joq edı. Tek soŋǧy künderı onyŋ ketıp qalatynyn baiqap edım. Ol ertkısı keletındei, şaqyratyndai. Men köp qarsylastym. Qoimaǧan soŋ bar küşımdı jinap erteletıp üiden şyqtym. Ol menı ortalyq köşemen qaladan asyp, şahar şetındegı qabırhanaǧa alyp keldı. Sodan soŋ batqan künmen bırge joǧalyp kettı. Erteŋınde menı qoidy. «Ony da kömdı» dep oilaimyn, ittıŋ balasyna sol kerek degen edım. Bıraq ol ölmeptı. Ol menıŋ ūlymnyŋ artynda tūr eken. Menıŋ aiǧailaǧym keldı. Tük aita almadym.
Serık Elıkbai
