Astanada şeteldık kölıkterdı zaŋsyz tırkegen HQKO qyzmetkerlerı men poliseiler ūstaldy. Būl turaly Antikordyŋ baspasöz qyzmetı jazdy, dep habarlaidy «Adyrna» tılşısı.
«Qylmystyq top osy jyldyŋ qaŋtar aiynan bastap azamattardy şeteldık avtokölıkterdı esepke qoiudyŋ zaŋdylyǧyna qatysty aldau arqyly öz qyzmetterın ūsyna otyryp, olardyŋ aqşalai qarajatyn ūrlap, 486 kölık qūralyn zaŋsyz tırkegenı anyqtaldy. Ärbır avtokölık üşın zaŋsyz qyzmettıŋ qūny 400 myŋ teŋgeden 1,6 mln teŋgege deiın bolǧan»,—dedı vedomstvo.Qajettı aqşany alǧannan keiın küdıktıler avtokölıkterdı satyp alu-satu mämılelerınıŋ jazbaşa formasyn, memlekettık nömırler men kölık qūraldaryn tırkeu turaly kuälıkterdı daiyndaǧany üşın memlekettık baj tölengenı turaly tübırtekterdı qoldan jasaǧan. ŪQT qyzmetı, onyŋ ışınde ışkı ıster organdarynyŋ memlekettık avtoinspektorlarynyŋ «Web-modul» servistık ortalyǧy» aqparattyq jüiesınde būryn kädege jaratylǧan avtomaşinalar turaly mälımetterdı qasaqana zaŋsyz joiuy jäne olardyŋ ornyna jaŋadan äkelıngen avtomobilderdıŋ mälımetterın engızu saldarynan jüzege asqan. Sottyŋ sanksiiasymen tört polisiia qyzmetkerı qamauǧa alyndy.
«Bügıngı künı ıs boiynşa qylmystyq toptyŋ taǧy 4 belsendı qatysuşysy, onyŋ ışınde Astana qalasy boiynşa №2 Arnaiy HQKO basşysy ūstaldy. Tergeu jalǧasuda»,—dep tolyqtyrdy Antikordyŋ baspasöz qyzmetı.
