Belgılı qoǧam qairatkerı Mūhtar Taijan bügın Feisbuk jelısınde barşa ūltşyldardy bırıguge şaqyrǧan bolatyn. Osyǧan deiıngı ökpe-renıştı ūmytyp, tıze qosyp eŋbek eteiık dei kele, bügın keşkı 19:00-de Almaty qalasyndaǧy «Astana» qonaq üiınde kütetının aitty. Soŋǧy jyldary qyrǧi-qabaq bolyp jürgen Geroihan Qystaubaevty da arnaiylap şaqyrǧanyn jazǧan. Bıraq, ūltşyldardyŋ basy būl joly da bırıge almady. Dūrysy, bırıktırmedı deuge bolar. Mūhtar Taijandy Almaty qalalyq Işkı Ister Basqarmasyna alyp ketıptı.
Būl turaly naqty aqparat bılu maqsatynda Geroihan Qystaubaevqa habarlasyp edık, jiyn bolatyn jerden qaityp bara jatqanyn jetkızdı. «Men barǧanda 10 şaqty adam jür eken. Işınen Erkın Raqyşevty ǧana tanydym. 10-15 minuttan keiın bızge Mūhtardy polisiia alyp ketkenın aitty. Eger būl Mūhtar oryndaǧan kezektı spektakl bolatyn bolsa, onda qoiuşy rejisserı myqty eken. Mūhtar Taijandy men būrynnan bılemın. Ol jıgıttıŋ özı būndai bastamaǧa bara qoiatynyna senbeimın. Oǧan tapsyrma berılgen siiaqty. Mūhtardy menen artyq eşkım bılmeidı deuge bolar. Sondyqtan būl kezektı qoiylym ba dep kümändanyp tūrmyn. Eger ol şyn nietımen jūmys ısteimın dese, qūşaq jaia qarsy aluǧa daiynmyn» degen Geroihan Qystaubaev bır ümıt, bır küdıkte tūrǧanyn jasyrmady.
Bız tömende Mūhtar Taijannyŋ paraqşasyndaǧy jazbasyn qaz qalpynda jariialap otyrmyz.
QŪRMETTI QAZAQ ELINIŊ PATRİOTTARY!
Şyny kerek, bır bırımızge degen ökpe-renışterımız bar, joq emes, qaiteiık endı, bärımız pendemız ǧoi. Ömır sondai, adamdar pende bolǧan soŋ arasynda keide tüsınıspeuşılık bola beredı. Bıraq ol jeke bastyŋ ǧana şaruasy dep esepteimın. Al däl qazır ūlttyq därejedegı qaiǧy oqiǧa paida boldy. Taǧy da qazaq balasy - Rahymjan ınımız Janseit - Qaraǧandyda qaza tapty, imandy bolsyn, jatqan jerı jaily bolsyn. Malovodnyi, Şeŋgeldı, Şymkent oblysynda däl sondai qaiǧy, auyr oqiǧalar bärımızdıŋ esımızde.
Qaşanǧa deiın būndai oqiǧalar qaitala beredı? Būndai oqiǧalar qaitalanbas üşın bügıngı taŋda ne ısteumız kerek? Qolymyzdan bıraz närseler keledı, sebebı būl eldıŋ iesı bızbız, jauapkerşılık bızdıŋ moiymyzda. Balalarǧa qandai el qaldyryp ketemız? Olar da būl probemalarmen ömır süru kerek pe ne?
Babalarymyz ūlttyq jaǧdai paida bolǧanda jeke renışterın qoiyp bırıktıretın, bırge jinalyp aqyldasatyn. Bız de söiteiık! Menıŋ ūsynysym - är qalada ūltşyldar bügın keşke jinalyp aqyldassyn. Basqalarǧa da, bilıkke de qazaqtyŋ yŋtymaǧyn körseteiık!
Nege basqa ūlttardyŋ kei ökılderı qūtyryp qazaqtyŋ balasyn pyşaqtap öltıredı? Menıŋşe būl jerde memlekettıŋ ūlttyq saiasaty būrys, bız bärımız jūmylyp būny özgertu tiıspız. Qalai bolsa da, aqyldasatyn jaiymyz köp.
Men öz basym erteŋ keşke qarai Astanaǧa ketem. Bıraq onyŋ aldynda,
QŪRMETTI ŪLTJANDY AǦA-INILERIM, ÄPKE-QARYNDASTARYM AQYLDASU JİYNǦA BÜGIN 08.01.2019. SAǦAT 19.00 ŞYN JÜREKTEN ŞAQYRAM!
JİYN ÖTETIN ORNY: ALMATY QALASY, BAITŪRSYNOV 113, SÄTBAEV QİYLYSY, ASTANA QONAQ ÜII, QŪRYLTAI ZALY,
MENIŊ TEL 8-7772552266
P.S. Banymda 7-8 adam bolǧan edı, qazır tügelın bosatyp jıberem. Qarym qatynasym kürdelı bolǧan soŋ Geroihan Qystaubaev, Serıkjan Mämbetalin, Rysbek Särsenbai ūltjandy ärıptesterımdı arnaiy bölek şaqyryp otyrmyn!
Barşaŋyzǧa esık aşyq, jurnalister, organ adamdary da kelıŋızder, tyŋdaŋyzdar, ainalyp kelgende sender de qazaq balasyŋdar.
KELIŊIZDER, JALPY ŪLTTYQ MÄSELEDE BIRGE BOLAIYQ, ARDAQTY AǦAIYN!
Oŋǧar Qabden
«Adyrna» ūlttyq portaly
