"Neni jeısiń-solsyń",-deıdi shyǵys."Asyna qarap,adamyn tany",-dep te jatady. Qaraǵandydaǵy oqıǵa orny, shahar toly kapqaz, ózbek, qytaı, japon restorandary bizdiń negizgi tustan qapy qalǵanymyzdy kórsetti. Biz kimniń tamaǵyn jep júrmiz! Kim bizge asyn ótkizýde?
Árıne álemdi jaýlaǵan tamaq konerinderine jete almaımyz. KRAFT FOODS, Nestle S.A, Prokter & Qamble sekildi shyńdar shańyna kómse de, óz ishimizdegi naryqty ıgere almaı jatqanymyz jan aýyrtady. Tipti ózbek ejelgi asy bolmasa da, palaýdy ala taqııaly týystar ulttyq brendke aınaldyryp aldy. Dolma jónindegi "uly daýda" ázirbaıjan Stalık Hankıshev-ázirbaıjan asy ekenin dáleldep shyqty! Qandaı derekter,argýment, faktiler aıtylmady deseńizshi! Bul men kórgen asa iri "kýhnıa kósemi". Qytaı álemge ulttyq taǵamynyń jıyrma tomyn shyǵaryp tastady! Ishinde qazaqtyń da as ataýy bar! Japonnyń fýgý balyǵynyń quny 300 dollar, daıyn asy 1000 dollar turady! Ony daıyndar sheber 50000 dollardan kem baǵaǵa aspazshy bolmaıdy! "Fýgýdy jegende, jemegende-aqymaq",- deıdi japondar. Qansha jarnama jáne ekzotıka!
Al biz "beshbarmaq" degen ataýǵa qarsy shyqqan Qonysbaı aǵa Ábilovtiń qasynan tabyla almadyq... Sýshıdi, pıany jerik asyndaı jer jas urpaq-Qunanbaıdyń súıikti asy jaýbúırekti bilmeıdi. Nemese"harcho"dep usynylǵan ármen eti-qazaqtyń edilbaıy ekenin ózi ǵana biler. Asyńdy óziń iste qazaq! Kelimsek sonda jónine ketedi. Biz as saıasatyn jatqa berip qoıdyq.. . Ol bizdiń ult pálsapamyz edi, endi ıdeologııamyz
Serik Elikbaı
"Adyrna" ulttyq portaly
