Qasym-Jomart Toqaev pen Şavkat Mirziioev ekı memlekettıŋ resmi delegasiialarynyŋ qatysuymen keŋeitılgen qūramda kelıssöz jürgızdı. Būl turaly Aqorda jazdy, dep habarlaidy «Adyrna» tılşısı.
Prezidentter sauda-ekonomikalyq yntymaqtastyqty nyǧaituǧa, sonyŋ ışınde özara tauar ainalymyn ūlǧaituǧa, investisiia tartuǧa, önerkäsıp, farmasevtika, auyl şaruaşylyǧy, qūrylys, tranzit äleuetı jäne kölık logistikasy salalaryndaǧy kooperasiiany damytuǧa basa män berdı. Sondai-aq bılım beru jäne mädeni-gumanitarlyq salalarda özara ıs-äreket mäselesı de talqylandy.
Qasym-Jomart Toqaev elderımız bügınde memleketaralyq serıktestıkke ülgı bolatyndai berık ärı üilesımdı qarym-qatynas ornatqanyn atap öttı.
– Odaqtastyq qarym-qatynas turaly şartqa qol qoiu bızdıŋ memleketaralyq bailanystarymyzdyŋ joǧary deŋgeide ekenın körsetedı. Eger bız şartty tarihi maŋyzy bar qūjat dep ataityn bolsaq, būl asyra aitqandyq emes dep oilaimyn. Būl asa maŋyzdy qūjat bız üşın jaŋa mümkındıkterge jol aşady jäne ekı eldıŋ özara yntymaqtastyqty nyǧaituǧa degen ortaq ūmtylysyn bıldıredı. Būdan bölek, bügın Qazaqstan men Özbekstannyŋ memlekettık şekaralaryn demarkasiialau turaly şartqa qol qoiylady. Būl tarihi kelısım Qazaqstannyŋ oŋtüstıgındegı memlekettık şekarasyn halyqaralyq-qūqyqtyq tūrǧyda räsımdeu ısın tolyǧymen aiaqtaidy, – dedı Prezident.Memleket basşysy odaqtastyq qarym-qatynasty nyǧaitu jolyndaǧy bırlesken ıs-äreketter bükıl Ortalyq Aziianyŋ ornyqty damuy men tūraqtylyǧyn qamtamasyz etuge eleulı üles qosatynyn atap öttı.
