Pavlodar oblysynda joldardy jyl saiyn jöndegenımen, jylǧa jetpei mylja myljasy şyǧyp byt-şyt bolady. Äsırese, tabiǧaty äsem Baianauyl öŋırıne demaluǧa keluşıler jazda jol azabyn tartady. Jasybaidan demalyp jainap şyqqan turist, üiıne tünerıp jetedı. Byltyr jyl soŋynda osy mäsele boiynşa dürkın-dürkın jiyn ötkızıp, qol astyndaǧylardyŋ ekı aiaǧyn bır etıkke tyqqan aimaq basşysy Bolat Baqauov, «joldardy qūrtatyn auyr jük kölıkterı» dep kesım jasaǧan bolatyn. Öitkenı, Baianauyl audanynyŋ aumaǧynda altyn, kömır kenışterı men qiyrşyq tastar öndıretın karerler ornalasqan. Artyq salmaqpen jük tiep alatyn auyr kölıkter qara joldyŋ üstınde ary berı jöŋkılıp, asfalttyŋ astyn üstıne şyǧarady. «Artyq salmaqpen jüretın kamazdardyŋ barlyǧyna aiyppū salyŋdar», dep aşuǧa mıngen Baqauov, kölıktık baqylau inspeksiiasyna tapsyrmany şegelep bergen edı. Jergılıktı biudjetten qarajat bölıp, kölıktık baqylau inspeksiiasyna zamanaui ülgıdegı jyljymaly salmaq ölşeuış qūrylǧylardy da satyp äperdı.
Älbette, äkımdıkte aitylǧan äŋgıme alysqa barmai ūmytylyp qala beretın-dı. Būl joly Kerekudıŋ äkımdıgı artyq salmaqpen jürgış jürgızuşılermen myqtap küresuge bel buǧan syŋaily. Jaŋa jyldan bastap kamazdardy aŋduǧa kölıktık inspeksiia ǧana emes, jergılıktı polisiia qyzmetı men jol polisiiasy da qyzu kırıstı. Maiköbege kömır artuǧa barǧan kamaz jürgızuşılerı kezekte tūrǧannan-aq qūjattaryn sypyryp alyp, nömırlerın şeşıp alady eken. «Sender bärıbır artyq salmaqpen jüresıŋder. Qaitar jolda «Azalia» degen dämhanaǧa soǧasyŋdar. Bız sol jerde kütemız. Sonda kep, aiyppūldaryŋdy tölep, qūjat nömerlerıŋdı alasyŋdar», deptı poliseiler. Aidar esımdı kamaz jürgızuşısınıŋ aituynşa, būl jaǧdai jaŋa jyldan keiın bırneşe kün qatarynan bolǧan. Eŋ qyzyǧy, aiyppūl arqalap zardap şegıp jatqandar ylǧi kömır tasyp, näpaqa tauyp jürgen qarapaiym kamaz jürgızuşılerı. Al, salmaǧyn asyryp syqityp qiyrşyq tas artyp alyp jüitkitın jük kölıkterıne jolpol men kölıktık baqylau inspeksiiasy köz jūma qaraidy. Tıptı, köz aldarynan ötıp bara jatsa da, terıs ainalyp, körmegen keiıp tanytady.
Osy alalauşylyqqa narazy bolǧan kömırtasymaldauşylar bır kün kölıkterın qaŋtaryp qoiyp, ereuılge şyqty. Talaptary, aiyppūldy alalamai bärıne bırdei salsyn. Nemese, barlyǧynda tynyş jäilerıne qaldyrsyn. Jürgızuşılerdıŋ aituynşa, «Aksuskii transportnyi logistik» degen firmaǧa tiesılı jük kölıkterı qanşa artyq salmaq artsa da olarǧa «jasyl jaryq». Öitkenı, ol käsıporyn myqty bır «dökeige» tiesılı. Jol salumen ainalysatyn firmalar özderı jöndep, özderı tas tasyp, joldy büldıredı. Al, Pavlodar oblysynda joldarǧa kürdelı jöndeu jürgızumen ainalysatyn bırden-bır kompaniia armiandarǧa tiesılı. «Jylda tender ūtyp alu üşın joldy qasaqana sapasyz salady nemese özderı büldırıp, keler jyly qaita jöndeidı», deidı narazylyq tanytqan jürgızuşıler. Aitpaqşy, byltyr jazda oblys äkımınıŋ tuǧan audany Jelezinge osy armiandardyŋ kompaniiasy auyl ışılık jol saldy. Ekı kölık qatar öte almaityn quyqtai joldyŋ sapasyna auyl tūrǧyndarynyŋ köŋılı tolmaidy. Köktemde asfalty qoparylyp qalmasa igı edı deidı. Jalpy, jergılıktı äkımdıktıŋ mejeden artyq salmaqpen jüretın kölıkterdıŋ barlyǧyna aiyppūl saldyrtpai, qara halyqqa kömır tasymaldap kün körıp jürgen kamaz jürgızuşılerıne qyrǧidai tigenı tüsınıksız. Al, qojasy myqty kompaniialardyŋ auyr kölıkterı eşteŋege pysqyrmai jol üstınde jöŋkılıp jür.
"Adyrna" ūlttyq portaly
