Keide mūǧalım qauymǧa janym aşyp ketedı. Auzy jese de -qan, jemese de - qan bolyp jürgenı. Ūstaz degen jan - bügıngı künı kım körıngennıŋ qoljaulyǧy bolyp ketkenın moiyndau kerek. ✔️Änşıler konsertındegı zaldy toltyru üşın - äkımder "bilettı" mūǧalımderge arta salady. Ötırık dep körşı? ✔️ Gazet-jurnaldardy taǧy osy mūǧalımderdıŋ ailyǧynan ūstap qalady. ✔️Auyl-aimaqta jinalys, kezdesu ötse - taǧy mūǧalım sümıreiıp sol zaldy toltyryp otyrady. ✔️Bai-baǧlannyŋ ūl-qyzdaryna aiqailap körsınşı, 3 sekundta jūmystan quylady ✔️Senbılık jūmystarda qolyna sypyrtqysy men küregın ūstaǧan sol mūǧalım. ✔️Mektepte qyzdar jüktı bolyp qalsa, ūstazdar közderınen jastary sorǧalap tergeuşınıŋ aldynda jauap berıp jüredı. Sonda deimın de, "Ūstaz" degen būl elde sondai sorly xalyq bolǧany ma?! Nege qit etse boldy mūǧalımdı kınälauǧa daiynbyz? Nege?! Bılım ministrı Saǧadiev myrza, men Sızdıŋ ornyŋyzda bolsam qaramaǧymdaǧy mūǧalımderdı tergemei, sol närsege itermelegen, sabaqtyŋ üstınde qaşyp-pysyp jürgen oquşylarmen jūmys jasar edım. Bıle bılseŋız, mūǧalım de - et pen süiekten jasalǧan Adam. Ol da bır sät boiyn jazyp demalǧysy keledı. Keşegı bolǧan dene şynyqtyru pänı mūǧalımıne janym aşyp kettı. Nesı bar edı būlardy tärbielep? Jaqsylyqty tüsınbeitınderge sözıŋdı şyǧyn etudıŋ qajetı şamaly. Negızı būl kısı myna balalardan äbden qorlyq körgen eken. Sabaqqa qatyspaǧany üşın kolledjdıŋ direktorynan talai sögıs alypty. Sol künı myna ekı student emtixanǧa qatyspai, äreŋ tapqan deidı. Al fizruk būl ekeuı üşın ūrys estıp, studentterın qorǧaştaǧan. Mıne, endı soŋy nemen aiaqtalǧany? Ūstazyn videoǧa tüsırıp, äleumettık jelıge laqtyryp, rezonans jasaldy. Nätijesınde fizruk jūmystan quylyp, üstınen qylmystyq ıs qozǧaluda. Sözım joq🤦♀️. Ps: myna videodaǧy Äkege qatty yrza boldym. Mūǧalımı mynadai sözdı estıp jylap ta jıbergen bolar? "Süiegı - menıkı, etı - Sızdıkı. Balam kınälı me? Aiamaŋyz!" deidı. Ata-analar! Balalaryŋyzdy qazırden bastap bäleqor, aryzqoi etıp tärbielemıŋızderşı, ötınış?! Otanyn satatyndar sondailardan şyǧady. Al, mūǧalımder: Mektepke, oqu ornyna oquşylaryŋyz kırdı me? Qolyndaǧy smartfonyn bır korobkaǧa saldyrtyŋyz! Bala - bılım alu üşın oquǧa baratynyn eskereiık!
Bibıgül Däuletbekqyzy
[video width="320" height="400" mp4="https://adyrna.kz/content/uploads/2019/01/50678096_2259875184274707_8363196727208968192_n.mp4"][/video]
