Bügın «AMANAT» partiiasynyŋ Töraǧasy Erlan Qoşanov Atyrau oblysynyŋ jūrtşylyǧymen kezdestı. Onda öŋırlık filial janyndaǧy keŋes beru ortalyǧynyŋ qyzmetımen tanysyp, «Qūqyqtyq kömek» partiialyq jobasynyŋ ıske qosylǧanyn jetkızdı.
Erlan Qoşanov partiianyŋ Atyrau oblystyq filialy janynan aşylǧan «AMANAT SERVICE» keŋes beru ortalyǧynyŋ qyzmetımen tanysty. Mūnda bır tereze qaǧidaty boiynşa memlekettık organdardyŋ, «Otbasy bankınıŋ», «E-gov»-tyŋ ökılderı azamattardyŋ ötınışterın qabyldaidy. Sondai-aq, säulet, eŋbek, tūrǧyn üi qatynastary salasy jäne halyqty tolǧandyratyn özge de mäseleler boiynşa zaŋnamany tüsındıredı.
Partiia Töraǧasy İsatai audanynda belgılı qūqyq qorǧauşy Abzal Qūspanmen bırge jergılıktı tūrǧyndarmen kezdesıp, azamattardy qabyldady.
Erlan Qoşanov öz sözınde Memleket basşysy Ädılettı Qazaqstandy qūru jolynda adam qūqyqtary mäselesıne basa män berıp otyrǧanyn atap öttı. Mäselen, Konstitusiialyq Sot qūrylyp, Bas prokuratura men Adam qūqyqtary jönındegı uäkıl konstitusiialyq märtebege ie boldy. Halyq arasynda qūqyqtyq mäseleler öte özektı. Soǧan bailanysty, öŋırde tūrǧyndardyŋ qūqyǧyn qorǧaityn «Qūqyqtyq kömek» jaŋa partiialyq jobasy pilottyq rejimde ıske qosyldy.
«Jasyratyny joq, bızdıŋ qoǧamda azamattardyŋ qūqyqtyq, qarjylyq sauattylyǧy älı de tömen. Sonyŋ saldarynan, olar sotta nemese basqa da memlekettık organdarda öz müddelerın qorǧai almai jatady. Şalǧaidaǧy auyl tūrǧyndarynyŋ bärı bırdei mūndai käsıbi kömekke qol jetkıze almai otyrǧandyqtan, jaŋa partiialyq joba aiasynda zaŋgerler auyl-auyldy aralap, halyqqa arnaiy qūqyqtyq kömek körsetedı. Ädıldık pen zaŋnyŋ üstemdık qūruy osyndai naqty ısterden bastalady», – dedı partiia Töraǧasy.«Qūqyqtyq kömek» partiialyq jobasy şeŋberınde zaŋgerler jergılıktı jerde azamattarǧa zaŋgerlık kömek körsetu üşın oblystaǧy audan ortalyqtaryna barady. Iаǧni, sotta, qylmysty qudalau organdarynda jäne taǧy basqa jaǧdaida azamattarǧa ökılettık etuge, aryz-talap toltyruǧa, özın qorǧauǧa kömek körsetıledı. Tūrǧyndarǧa qarjy jäne qūqyqtyq mäseleler boiynşa türlı keŋes berıledı. Osy künı Erlan Qoşanov «Aqtöbe-Atyrau-Astrahan» baǧytynda salynyp jatqan respublikalyq maŋyzy bar jol uchaskesıne bardy. Merdıger ūiymnyŋ ökılderı oǧan qūrylys jūmysynyŋ barysy turaly baiandady. Joba jyl soŋyna deiın aiaqtalady dep josparlanyp otyr. Sondai-aq, Erlan Qoşanov «AMANAT»-tyŋ oblystyq aktivımen kezdesıp, partiialyq jobalardyŋ ıske asyrylu barysyn jäne aldaǧy Mäjılıs pen mäslihattar deputattarynyŋ sailauyna daiyndyq mäselesın talqylady. Bügınde oblysta 106 bastauyş partiia ūiymy bırıktırıp otyrǧan 23 myŋnan astam amanattyqtar bar.
