Almaty qalalyq Mäselihatynyŋ kezekten tys sessiiasyna qala äkımı B. Baibek pen onyŋ orynbasarlary qatysyp, äkımdıktıŋ jaŋa qūrylymdaryn bekıtu turaly mäsele qaraldy.
Almaty qalasynyŋ äkımı Bauyrjan Baibektıŋ aituynşa, özgerıster «Almaty – 2020» strategiialyq baǧdarlamasy qabyldanǧaly berı (üş jyl boiy) daiyndalǧan.
«Jaŋa qūrylymdardyŋ qabyldanuy qoǧam talabynan tuyp otyr. Bırınşı kezekte ekologiianyŋ jaqsaruy, qauıpsızdıktı qamtamasyz etu, adamdarǧa yŋǧaily orta jasau, qalanyŋ tarihi kelbetın saqtau arqyly qalanyŋ jaŋa keŋıstıgın qūru. Qoǧam, sosium, qala, urbanistika sözderı 9 basqarmanyŋ atauynan körınıs tauyp otyr», – dedı äkım.
Öz kezegınde qala äkımınıŋ orynbasary Äsel Jünısova: «Jaŋa qūrylym bızdıŋ aldymyzda tūrǧan mındetterdı atqaruǧa, strategiialyq jäne baǧdarlamalyq qūjattarǧa, qoǧam sūranysyna säikes qūrylady. 12 basqarmanyŋ atauy özgeredı, 5 basqarma taratylyp, olardyŋ funksiiasy basqa qūrylymdarǧa berıledı», – dedı. Onyŋ aituynşa, būl özegıs basqarmalardyŋ basqaruşy qūramyn 12 paiyizǧa qysqartuǧa mümkındık beredı.
Aldymen bırıktırıletın 9 basqarmaǧa toqtalaiyq:
1. Işkı saiasat basqarmasy, Jastar saiasaty jönındegı basqarma, Dın ısterı jönındegı basqarma – Qoǧamdyq damu basqarmasy;
2. Memlekettık säulet-qūrylys baqylau basqarmasy men Jerdıŋ paidalanyluy men qorǧaluyn baqylau basqarmasy – Qala qūrylysy baqylauy basqarmasy;
3. Eŋbek inspeksiiasy jäne Köşı-qon jäne Jūmyspen qamtu jäne äleumettık baǧdarlamalar basqarmalary – Äleumettık äl-auqat basqarmasy;
4. Auyl şaruaşylyǧy basqarmasy men Käsıpkerlık jäne industrialdy-innovasiialyq damu basqarmasy – Käsıpkerlık jäne investisiia basqarmasy bolyp bırıktırıledı.
Jaŋadan qūrylǧan tört basqarmadan bölek 12 basqarmanyŋ atauy tömendegıdei özgeredı:
1. Qūrylys basqarmasy – Yŋǧaily qala ortasy basqarmasy;
2. Tabiǧi resurstar jäne tabiǧatty paidalanudy retteu basqarmasy –Jasyl ekonomika basqarmasy;
3. Energetika jäne kommunaldy şaruaşylyq basqarmasy – Energotiımdılık jäne infraqūrylymdyq damu basqarmasy;
4. Jolauşylar kölıgı jäne avtomobil joldary basqarmasy – Qalalyq mobildılık basqarmasy;
5. Qarjy basqarmasy – Memlekettık aktivter basqarmasy;
6. Säulet jäne qala qūrylysy basqarmasy – Qalalyq josparlau jäne urbanistika basqarmasy;
7. Ekonomika jäne biudjettık josparlau basqarmasy – Biudjet strategiiasy basqarmasy;
8. Tūrǧyn üi jäne tūrǧyn üi inspeksiiasy basqarmasy – Tūrǧyn üi saiasaty basqarmasy;
9. Turizm jäne syrtqy bailanystar basqarmasy – Turizm basqarmasy;
10. Densaulyq saqtau basqarmasy – Qoǧamdyq densaulyq basqarmasy;
11. Mädeniet jäne arhiv basqarmasy – Mädeniet basqarmasy;
12. Dene şynyqtyru jäne sport basqarmasy – Sport basqarmasy dep atalatyn boldy.
Jasūlan NAURYZÄLI, "Adyrna" ūlttyq portaly
