Qūrbysyn aiausyz soqqyǧa jyqqan taldyqorǧandyq 3 jasöspırım qyz jazadan qūtylyp kettı. Bırısınıŋ äleumettık jelıde şeteldık azamatpen qonaq üide kezdesken suretı jäne bärınıŋ ışımdık ışıp otyrǧan videosy tarady. Būrymdylardyŋ būlaǧai qylyǧyna qatysty qataŋ şara qoldandar joq, dep jazdy “Adyrna” ūlttyq portaly jazdy.
Äleumettık jelıde 3 jasöspırım qyzdyŋ päterde qūrbysyn aiausyz soqqyǧa jyqqanyn beineleitın video qoǧamdy dürlıktırgen edı. Keiıngı derekter de köŋıl könşıtpedı. 3 qyzdyŋ bırı - Meiramgüldıŋ şetel azamatymen kezdesken suretı şyqty. Qūndyz äkesımen bırge halyqtan keşırım sūrady. Aisūlu japa şekken qūrbysyn älı bopsalap otyr. Bıraq olardyŋ äreketıne toqtau salǧan eşkım joq. Būǧan qatysty jurnalist Samal Qabyşeva jazba jariialady.
- Aisūluǧa eşteŋe de bolmaityn boldy. Onyŋ mäselesın qaraǧan "Qaratal audanyndaǧy kämeletke tolmaǧan balalardyŋ komissiiasynyŋ ökılderı" osyndai şeşım şyǧarǧan. Iаǧni, Aisūlu Üştöbegı Bastöbe tehnikalyq kolledjınde oquyn jalǧastyra beredı. Būzyqtarǧa arnalǧan devianttardyŋ mektebınde auystyrylmaidy. Bız ben sızdıŋ aramyzda emın-erkın jüre beredı. Komissiia üş ai oǧan synaq berdı, eger būzaqylyq jasasa oqudan quylady dep komissiia ökılderı quyp otyr. Ony būzyqtardyŋ tızımıne aldyq dep mäz. Eee, bırınşı bolyp ūryp bastaǧan osy Aisūlu emes pe edı. Ūru taktikasynyŋ özı käsıbi türde. Istegen ısterı äkkı qylmyskerden eş aiyrmaşylyq joq. Olar Madinany [japa şekken qyz] jıbermei ūstap otyrǧan. Ūrǧan. Madinany polisiia baryp, alyp şyqqan. Demek, adam ūrlyǧy bolyp tūr būl jerde. Nege sızder qylmystyq ıs qozǧamadyŋyzdar?! Olardyŋ qandai qūqy bar, adamdy qinap ūstauǧa? Älde Taldyqorǧanda basqa zaŋ ba? Al Qaratal audanynyŋ komissiiasyna 2 degen baǧa beremın. Qoǧamǧa müldem janaşyrlyqtaryŋ joq eken. Qanşa künnen berı bükıl Qazaqstan şulap jatyr osy Taldyqorǧandaǧy qyzdardyŋ töbelesı boiynşa. Bekerden beker şulap jatqan joq. Olar öz balalary üşın alaŋdaidy, erteŋgı künımız üşın alaŋdaidy. Kämeletke tolmaǧandardyŋ betımen ketkenıne küiıngendıkten alaŋdaidy. Nege komissiia müşelerı osy jauapkerşılıktı tüsınbedıŋızder. Aisūludyŋ devianttarǧa arnalǧan mektepke auysyuyn talap etemın. Eger eskermeseŋızder, talabyma qūlaq aspasaŋyzdar. Bız qoǧam bolyp narazylyqqa şyǧamyz. Jeter bärıne! Toidyq! Būl qyzdar būl qylmysqa sanaly türde, aldyn-ala söz bailasu arqyly barǧan. Iаǧni, päterdı jaldaǧan. Madinany alyp kelgen. Ūrǧan. Jıbermei otyrǧan. Madinany polisiia baryp, alyp şyqqan. Ol azdai esıktı bırden aşpaǧan. Būl qylmys! - dep jazdy Samal Qabyşeva.Basyna zaqym kelgen Madina qazır auruhanada em qabyldap jatyr. Bıraq Madinaǧa būzaqy jasöspırım qyzdar qoqan-loqy körsetuın qoiar emes. Būǧan qatysty jurnalist:
- Jūmys jürgızgenderıŋız osy ma? Erteŋ adam öledı, sony kütıp otyrsyzdar ma? Taldyqorǧanda üş qyzdan oŋbai taiaq jegen Madinanyŋ ömırıne qauıp tönıp tūr. Myna betımen ketkender toqtar emes, jan-jaqtan osylai qorqytyp, ürkıtıp jatyr - dep dabyl qaǧyp otyr.
“Adyrna” ūlttyq portaly
