75 azamatqa mädeniet salasyndaǧy memlekettık stipendiia tabystaldy

QR Memlekettık keŋesşısı Erlan Qarin Astana jäne Almaty qalalarynda ziialy qauym ökılderımen kezdesıp, 2022 jylǧy mädeniet salasyndaǧy memlekettık stipendiiany saltanatty tabystau räsımıne qatysty. Būl turaly Ortalyq kommunikasiialar qyzmetı jazdy, dep habarlaidy «Adyrna» tılşısı. Memlekettık stipendiia mädeniet pen öner qairatkerlerıne, şyǧarmaşyl tūlǧalarǧa jäne jastarǧa elımızdıŋ ruhaniiatyn qalyptastyruǧa, damytuǧa qosqan ülesı üşın berıledı. Biyl 75 adam Memlekettık stipendiia iegerı atandy. Olardyŋ qatarynda Oljas Süleimenov, Myrzatai Joldasbekov, Dulat İsabekov, Tölen Äbdıkūly, Smaǧūl Elubai, Küläş Ahmetova, Hanbibı Esenqaraqyzy, Aqūştap Baqtygereeva sekıldı körnektı aqyn-jazuşylar, Asanälı Äşımov, Säbit Orazbaev, Tūŋǧyşbai Jamanqūlov siiaqty öner qairatkerlerı bar. Sonymen qatar, Erlan Jünıs, Samal Esliamova, Farhat Moldaǧali jäne taǧy da basqa jas daryndarǧa qoldau körsetıldı. Erlan Qarin soŋǧy jyldary elımızde jüzege asyrylyp jatqan reformalar jaiynda jan-jaqty aitty. Äsırese, qoǧamdyq-saiasi, äleumettık jaŋǧyru jūmystaryn atap öttı. Būdan bölek, memleket tarapynan ädebiet pen önerdı qoldauǧa qatysty atqarylǧan bastamalar jaiynda mälımet berdı. Memlekettık keŋesşı 2023 jyly ruhaniiat, ädebiet pen öner baǧytynda maŋyzdy datalardyŋ köp ekenın aita kelıp, ziialy qauym ökılderın biyl qolǧa alynatyn jūmystardyŋ jai-japsarymen tanystyrdy.