Emmerson Mnangagva ushyp júrgen áýe kemesi eksklıýzıvti ushaq bolyp sanalady. Ol Boeing 787−8 Dreamliner bazasynda jasalǵan. Baǵasy 320 mıllıon dollarǵa teń.
Bul ushaqty jalǵa alý saǵatyna 74 myń dollardy quraıdy. Eger onymen ushý ýaqyty bir apta kólemin qamtysa, jalǵa alýshy keminde 800 myń dollardy jumsaýǵa májbúr bolmaq.
Óz eline ınvestıııa tartýdy kózdep, eń qymbat ushaqpen saıahattap júrgen Zımbabve prezıdentiniń is-sapary da dál osy qomaqty sommaǵa shyqpaq. Bul turǵyda, Afrıkadaǵy eń kedeı sanalǵan memlekette búginde gıperınflıaııa deńgeıi jylyna 230 mıllıon paıyzǵa jetti.
Alaıda, bul kórsetkishtiń ózi Emmerson Mnangagvany eksklıýzıvti áýe kemesin tańdaýda toqtata qoımaǵan.
Ushaqtyń ishki qurylymynyń jobasyn belgili franýz dızaıneri Jak Perjan ózi jasaqtap shyqqan.
Bul áýe kemesi 17 saǵatqa deıin janarmaı quıýdy qajet etpeıdi. Ol eńsere alatyn qashyqtyq 15 789 shaqyrymdy quraıdy.
Pılottar quramy eń tájirıbeli, al bort qyzmetkerleri eń qonaqjaı. Olardyń qonaqjaılylyq deńgeıi jeti juldyzǵa teń kelgen.
Ushaq 40 jolaýshyǵa arnalǵan. Onyń aýdany 220 sharshy metrdi quraıdy. Áýe kemesiniń ishi jatyn bólme, garderob, qonaqtar bólmesi men ashanaǵa bólingen.
