Syrtqy ıster ministrlıgı Ukrainadaǧy soǧysqa Qazaqstan azamattary qatysqany turaly qūzyrly organdardan eşqandai aqparat alǧan joq. Būl turaly SIM resmi ökılı Aibek Smadiiarov mälımdedı, dep habarlaidy “Adyrna” ūlttyq portaly.
"Ukrainanyŋ qūzyrly organdarynan Qazaqstan azamattarynyŋ Ukraina aumaǧyndaǧy qaruly qaqtyǧysqa qatysqany nemese ūstalǧany turaly eşqandai aqparat alǧan joqpyz. Sonymen bırge, özderıŋız bıletındei, mūndai äreketter Qazaqstan Respublikasynyŋ zaŋnamasyna säikes qylmystyq jauapkerşılıkke tartylady", - dedı ministrlık ökılı.
Eske salaiyq, būǧan deiın äleumettık jelıde özın qazaqpyn dep tanystyrǧan azamatty ukrainalyq äskerilerdıŋ ūstap alǧany tüsırılgen video paida bolǧan edı. Alaida būl joly videodaǧy tūtqynnyŋ qazaqstandyq ekenıne eşqandai dälel körsetılmegen.
