21 qańtarda Astanada jýrnalıstermen kezdesken Erlan Nurǵalıevtiń kelini (ini Nurlan Nurǵalıevtiń áıeli) kúıeýi aǵasyn shabýyl jasalǵan orynnan Astanadaǵy aýrýhanaǵa ózi alyp barǵanyn aıtqan. Ol Erlan Nurǵalıevti emhanaǵa jetkizýge tikushaq, ne jedel járdem jiberilmegen dep málimdegen bolatyn.
"Bul jerde ýaqyt joǵaldy dep aıtý durys emes dep oılaımyn. Dalaly jerde naýqasty jetkizýge múmkindik bolǵan joq. Reanımobıl jiberý tıimsiz bolar edi, sebebi jolǵa kóp ýaqyt keter edi. Mundaı kezde naýqasty aýrýhanaǵa óz kúshimen alyp ketkeni árıne, durys bolǵan. Onyń ústine, oqıǵa túzde bolǵan. Bizde dalaly jerde emhana joq. Olardy aýdandyq aýrýhanada kútti, brıgadaǵa habarlandy, biraq olar tikeleı qalaǵa tartyp ketken. Ýaqyt joǵaltqan. Aldarynan kólik shyǵyp, naýqasty kútip alyp, aýrýhanaǵa jetkizdi. Dárigerler qoldan kelgenniń barlyǵyn jasady. Amal ne, naýqastan aırylyp qaldyq" dedi Birtanov.
Ol sanavıaııa tikushaǵyn jiberýge aýa-raıy qolaısyz bolǵanyn aıtty.
