Desanttyq-şabuyldau äskerlerınıŋ qolbasşysy general-maior Almaz Jūmakeev paraşiutpen sekıru kezınde sarbazdyŋ qaza boluyna bailanysty qaiǧyra köŋıl aitty, dep habarlaidy “Adyrna” ūlttyq portaly.
Aita keteiık, 2023 jylǧy 18 qaŋtarda Astana qalasy maŋynda paraşiutpen josparly sekıru kezınde merzımdı qyzmettegı sarbaz qaza tapty.
Qaiǧyly oqiǧa bolǧan äskeri bölım arnaiy maqsattaǧy bölım bolyp tabylady jäne Qūrlyq äskerlerı bas qolbasşysynyŋ basqarmasyna tıkelei baǧynady.
“Kün saiyn äskeri qyzmetşıler, sonyŋ ışınde onda qyzmet etetın sarbazdar ömırge qauıptı oqu-jauyngerlık mındetterdı oryndaidy. Tıkūşaq bortynan 800 metr biıktıkten sekıru sarbazǧa da, ofiserge de, kelısımşart boiynşa äskeri qyzmetşıge de qauıptı. Būl qyzmette jürgennıŋ ärbırı qanşalyqty täuekelge baratynyn tüsınemız, dese de kez kelgen tapsyrmany oryndauǧa daiynbyz. Sondyqtan arnaiy maqsattaǧy bölımşeler, sondai-aq Desanttyq-şabuyldau äskerlerı armiianyŋ betkeūstary bolyp sanalady.
Qūramalar men äskeri bölımderdıŋ komandirlerı jeke qūramnyŋ jaraqattanuy men qaza bolu jaǧdailaryn boldyrmau üşın qoldan kelgen barlyq şaralardy qabyldaidy.
Qaiǧyly oqiǧa desantşylardy da bei-jai qaldyrmady. Arnaiy maqsattaǧy bölımnıŋ äskeri qyzmetşılerı de, desantşylar sekıldı paraşiutpen sekıru oqu-jauyngerlık mındetterın oryndaidy.
Desanttyq-şabuyldau äskerlerınıŋ qolbasşylyǧy qaza tapqan äskeri qyzmetşınıŋ tuystary men jaqyndaryna, sarbaz qyzmet etken Qūrlyq äskerlerı men äskeri bölımnıŋ qolbasşylyǧyna qaiǧyra köŋıl aitady. Beibıt uaqyttaǧy qaza – elımızdıŋ Qaruly küşterınıŋ barlyq jeke qūramy üşın orny tolmas qaiǧy”,- dep köŋıl aitty.
