Tūrarbek Qūsaiyn özın "zinaqor" dep aiyptaǧan Altynbek Ajokūlyna jauap berıp, "Şyndyǧynda meşıttegı imam-moldalardyŋ oŋyp tūrǧany joq. İmamdyq qyzmet osylai eken dep ülken moldalardan ülgı aldym. İmam bolyp jürgende maǧan jaman ädet ülken imamdardan jūqty" dep mälımdeme jasady. Būl turaly "Adyrna" ūlttyq portaly jazady.
"Men bır mandatty okrugten öz kandidaturamdy Mäjılıs deputattyǧyna ūsynatynym jönınde qoǧam habardar bolǧan soŋ, maǧan qarsy müftiiat tarapynan qaralau bastaldy. Ras, men bas müfti Nauryzbai Taǧanūlynyŋ alǧan bılımın anyqtap beru jönıde Bılım ministrlıgıne hat joldaǧam. Nauryzbai qajynyŋ Qūrandy qate oqityny jäne arab tılın bılmeitını turaly islamtanuşy Asqar Sabdin būqaralyq aqparat qūraldarynda talai ret aitty. Soǧan bailanysty Nauryzbai Taǧanūlynyŋ Bas müfti boluǧa qūzıretı joǧyn aitqam. Osyndai däleldı synnan keiın Bas müfti özınıŋ qaramaǧyndaǧy imamdardy maǧan qarsy aidap saldy. Atyrauda tūratyn imam Altynbek Ajokūly menı "zinaqor" dep aiyptady, Qūspan molda meşıtınde imam bolyp jürgende meşıtke kelgen qyz-kelınşekterdı azǧyrdy dedı. Altynbek imamnyŋ aiyptauyna bailanysty myna jaǧdaidy aitqym keledı: Altynbekpen medresede bırge oqyǧanym, Qūspan molda jäne İmanǧali meşıtınde bırge jūmys ıstegenım ras. Bıraq ol meşıtke kelgen qyz-kelınşekterdı men ǧana azǧyrǧanymdy, men ǧana zinaqor ekenımdı aitady. Şyndyǧy qalai? Şyndyǧynda meşıttegı imam-moldalardyŋ oŋyp tūrǧany joq. Men ol kezde oŋ-solymdy tanymaǧan jap-jas dın qyzmetkerı boldym. İmamdyq qyzmet osylai eken dep ülken moldalardan ülgı aldym. Solardyŋ ıstegenın men de ıstedım. Moldanyŋ ıstegenın ısteme, aitqanyn ıste degen tämsıldı ol kezde tüsıngen joqpyn. İmam bolyp jürgende maǧan jaman ädet ülken imamdardan jūqqanyn taǧy da qaitalap aitam", - deidı Tūrarbek Qūsaiyn.Onyŋ aituynşa, ata-baba dästürın ūstanatyn qazaqtardy "jau" sanaityn imam-moldalar ony arnaiy tapsyryspen qaralap otyr.
"Keiın moldalardyŋ kır-las tırlıgın körgen soŋ meşıtten jerıdım, imamdyqtan jiırkendım. Sondyqtan da tazalyq pen adamgerşılıkten jūrdai müftiiattan kettım. Būl jönınde özımnıŋ ömırbaiandyq «Men qalai ruhani jaŋǧyrdym» degen kıtabymda jazǧanmyn. İmam bolǧanyma öte qatty ökınetınımdı de jäne būdan keiın ūjymdyq dın bolyp sanalatyn arab-parsy folkloryna qarai aiaq baspaitynymdy da aitqan edım. Al müftiiattaǧy arsyz ıs-äreketter men üşın de, basqalar üşın de jaŋalyq emes. Ol jerdegı azǧyndyq būryn da bolǧan qazır de bar, müftiiatta tübegeilı reforma jasalmasa,būndai soraqylyqtar keleşekte de bola beredı. Aitpaqşy dıni basqarma Bas müftidıŋ tapsyrmasymen qazaqi dünie tanymdy ūstanatyn Qazaqstan azamattaryna qarsy nauqan bastady. Atap aitqanda QMDB zaiyrly qazaqtardy käpır sanatyna qosyp,saq-ǧūn nemese ataqty ūly qaǧandarymyzdyŋ tanym-filosofiiasyn nasihattaityn azamattardy bölıp-jaryp,qazaq qoǧamyna qūbyjyq qylyp körsetude. Osyǧan orai zaiyrly qazaqtar Ata Zaŋymyzdy aiaqasty etken müftiiatty sotqa bergen-dı. Ras, men de talai jyl adasyp, türlı sektalardyŋ ruhani qysymyna ūşyrap, tüp qazyǧymdy endı ǧana tapqan adammyn. Naqty aitsam men qazaqi dünietanymdaǧy zaiyrly,liberal-demokrat qazaqpyn. Ata-baba dästürın ūstanatyn zaiyrly qazaqtardy jauyndai köretın müftiiat, özınıŋ imam-moldalaryna menı zaiyrly közqarasym üşın tapsyrys berıp, qaralap jatyr. Atyraulyq Nūr-Mūbarak universitetınıŋ tülegı Altynbek Ajokūly da solardyŋ tapsyrmasymen äreket etıp jatqanyna şübä joq", - deidı ol.Osyǧan bailanysty Tūrarbek Qūsaiyn kelesıdei mälımdeme jasady.
"Zaiyrly prinsipterge negızdelgen qazaqi-türkılık dünie tanymdy özımnıŋ ruhani ūstanymym dep taŋdadym. Ata zaŋda jazylǧan menıŋ nanym-senımımdı qorlauǧa müftiiattyŋ qaqysy joq. Qandai qysym jasasa da men saiasilanǧan arabi-parsy submädinetıne eşqaşan oralmaitynymdy, qazaq halqynyŋ dästürlı tarihi mūrasyna berık,iaǧni monoteistık Täŋır filosofiialyq ūstanymynda qalatynymdy eskertemın. Ata Zaŋǧa säikes menıŋ de sailau qūqym, sailanuǧa qaqym bar. Müftiiat menıŋ saiasi qūqyǧyma kedergı jasap, aiaǧymnan şalyp qūlatqysy keledı. Bıraq men köptegen kedergıge qaramai Mäjılıs deputattyǧyna özımnıŋ kandidaturamdy ūsynam. Menıŋ taǧdyrymdy, deputat bolar-bolmasymdy dınşılder emes, saiasi sanasy bar qazaq halqy şeşedı. Halqym qoldap mäjılıske deputattyqqa ötsem ūlttyq qazaqi dünietanymdy memleket tūrǧysynan nasihattaudy jäne Qazaq elınıŋ zaiyrlylyq prinsipterınıŋ qataŋ saqtaluyna adal qyzmet etemın dep uäde beremın", - dep tüiındedı sözın Tūrarbek Qūsaiyn.
"Adyrna" ūlttyq portaly
