"Ózin-ózi usynýǵa múmkindik týdy": Qarın aldaǵy saılaýdyń basty 10 ereksheligin atady

2700
Adyrna.kz Telegram
Memlekettik keńesshi Erlan Qarın aldaǵy saılaýdyń basty on ereksheligin atady, dep jazady "Adyrna" ulttyq portaly. 
1. 2004 jyldan keıin alǵash ret Májiliske depýtattar bir mandatty okrýgter arqyly saılanady (98 depýtattyń 29-y);2. Úmitkerlerge partııalar men Úkimettik emes uıymdar atynan ǵana emes, ózin-ózi usynýǵa múmkindik týdy;

3. Bul kezekten tys saılaý bolǵanymen, onyń ótetin merzimi jarty jyl buryn belgili boldy;

4. Partııalardyń Parlamentke ótýi úshin belgilengen tómengi shegi 7 paıyzdan 5 paıyzǵa tómendetildi;

5. Áıelder, jastar jáne erekshe muqtajdyǵy bar adamdar úshin qarastyrylǵan 30 paıyzdyq kvota partııalyq tizim men mandattardyń bólinisi kezinde saqtalady;

6. Májilistiń jańa quramynda Qazaqstan halqy Assambleıasynyń kvotasy bolmaıdy;

7. Alǵash ret Májilis pen máslıhattar saılaýynda «bárine qarsymyn» degen baǵan saılaý bıýlletenderine engiziledi;

8. Saılaýǵa 7 saıası partııa qatysýǵa quqyly. Onyń ekeýi partııalar týraly zańnyń jańa normalary kúshine engennen keıin tirkeldi;

9. Oblystardaǵy aımaqtyq saılaý komıssııalary endi kásibı túrde jumys isteıdi;

10. Saılaýshylar bes bıýlleten boıynsha daýys beredi (respýblıkalyq mańyzy bar qalalardaǵy bıýlleten sany tórteý).

"Adyrna" ulttyq portaly 
Pikirler