"Bári qymbattaıdy": Mınıstrlik azyq-túlik baǵasynyń taǵy kóteriletinin aıtty

2803
Adyrna.kz Telegram
Aldaǵy ýaqytta azyq-túlik, ásirese, kókónis baǵasy artady. Ekonomıka sarapshylary men bılik ókilderi aldaǵy ýaqytta naryqtaǵy turmystyq tutynymnyń (azyq-túlik, kókónis) baǵasynyń artatynyn málimdedi. Ásirese, eń kóp suranysqa ıe pııaz, qyryqqabat, qııar jáne qyzanaq qymbattaıdy, dep habarlaıdy "Adyrna" ulttyq portaly. 

Mınıstrlik ókilderi baǵanyń kóterilýine Qazaqstannyń ońtústigindegi aıaz sebep bolǵanyn alǵa tartyp otyr. Qatty aıaz kóptegen kókónisterdi úsitip jibergen.

- "Bári qymbattaıdy. Árıne, bizdiń ómirimiz kúnnen-kúnge qymbattap barady. Biraq ol úkimet ózi belgilegen ınflıaııalyq dálizderde qymbattaýy kerek", - dedi Aýyl sharýashylyǵy mınıstrligi Aýyl sharýashylyǵy naryǵyn óńdeý departamentiniń dırektory Qanat Jaýymbaev.

Aýyl sharýashylyǵy mınıstrligi baǵanyń ósýi ınflıaııa dálizinen joǵary bolmaıdy dep úmittenedi. Iaǵnı, 4-5%. Qarjy sarapshysy Andreı Chebotarevtiń aıtýynsha, jyl sońyna deıin  ortasha eseppen ónim 15-20 paıyzǵa qymbattaıdy.

Sońǵy kezderi ulttyq naryqta et baǵasynyń da óskeni anyq ańǵarylyp otyr. Et satyp alatyndardyń da sany sıregen.

Aýyl sharýashylyǵy mınıstrligi baǵany retteýge tyrysýda deıdi ekonomıster. Biraq ınflıaııa saldaryna oraı baǵa baǵamy jaqyn aralyqtarda turaqtalmaıdy deıdi mamandar.

"Adyrna" ulttyq portaly 

 

Pikirler