QR Parlamentı Senatynyŋ töraǧasy lauazymyna qaita sailanǧan Mäulen Äşımbaev ärıptesterıne özıne senım bıldırgenı üşın alǧys bıldırdı. Būl turaly QazAqparat habarlady, dep jazady "Adyrna" ūlttyq portaly.
«Bügıngı palata otyrysyna Prezidentımız Qasym-Jomart Kemelūly Toqaev arnaiy kelıp qatysty. Konstitusiiaǧa säikes, Prezidentımız Senat töraǧasy qyzmetıne kandidaturany ūsynyp, maǧan zor senım bıldırdı. Būl - men üşın ülken jauapkerşılık. Sızder Memleket basşysynyŋ ūsynysyn qoldap, dauys berdıŋızder. Sol üşın özderıŋızge alǧysymdy bıldıre otyryp, Prezidentımızdıŋ jäne halyqtyŋ senımın aqtau üşın bar küş-jıgerımdı jūmsaimyn dep sendırgım keledı», - dedı Mäulen Äşımbaev.Senat töraǧasy Prezident Parlamenttıŋ aldyna jaŋa mındetter qoiǧanyn eske saldy.
«Jaŋa Memleket basşysy Parlamenttıŋ aldynda tūrǧan basty mındetterdı belgılep berdı. Prezidentımız osyǧan bailanysty bızdıŋ aldymyzǧa naqty maqsattar qoiyp otyr. Şyn mänınde atqaratyn jūmys az emes. Äsırese elımızde jürgızılıp jatqan reformalardy zaŋnamalyq tūrǧydan uaqtyly qamtamasyz etu asa maŋyzdy. Sondyqtan memleket basşysy jüktegen mındetterdı sapaly oryndauymyz kerek. Osy jolda bärımız bırge, nätijelı eŋbek etemız dep senemın», - dedı Senat spikerı."Adyrna" ūlttyq portaly