"KNPP CUP - 2023": Almatyda AES taqyryby talqylanǧan debat öttı

29 qaŋtar künı Almatyda «Qazaqstandyq atom elektr stansiialary» JŞS qoldauymen jäne «Altyn Sapa» İPK ūiymdastyruymen «Qaiyrymdy qala tūrǧyndary» pıkırsaiys turnirı öttı.  Turnir üzdık pıkırsaiysşy studentter jinalǧan alaŋǧa ainaldy. «KNPP CUP —2023» basty maqsaty jastardyŋ AES turaly bılımın şyŋdau jäne sauattylyǧyn arttyru. Debat turnirınde AES taqyrybyna bailanysty arnaiy qararlar qarastyrylyp, jastardyŋ bılım deŋgeiınıŋ şyŋdaluyna, jaŋa aqparattarmen tanysuǧa sebep bola bıldı. Debat turnirı qos formatta jariialanyp, jalpy sany 28 fraksiia qatysty. Final oiyndarynda «BP QR retınde AES boiynşa serıktes taŋdaidy» qararynda örbıp, tartysty oiyn boldy. Elımızge AES salu boiynşa serıktes el taŋdap, olardyŋ kemşın nemese artyq tūstary jaily pıkırtalas boldy. Turnirge äl-Farabi atyndaǧy QazŪU, Abai atyndaǧy QazŪPU, Kaspii universitetı, Qazaq-Britan tehnologiialyq universitetı, S.D. Asfendiiarov atyndaǧy QazŪMU jäne t.b. universitetterdıŋ studentterı qatysty. Debat oiyndarynyŋ qazylar alqasynda «Qazaqstandyq atom elektr stansiialary» JŞS müşesı Asuan Siiabekov, belgılı mädeniettanuşy Berdaly Ospan da boldy. Olar jastardyŋ tıl tazalyǧyna, aitylǧan aqparattardyŋ dūrystyǧyna, jalpy oiynnyŋ örbuıne baǧa berdı. Nätijesınde APF boiynşa (Amerikandyq Parlamenttık Format): 1-oryn “Potom qoiamyz” fraksiiasy (QazŪPU) - Alimova Gülnūr - Qonarbaiūly Äbdırahim 2-oryn “Torfin” fraksiiasy (QazŪU jäne QazŪPU) - Karimov Damir - Bekbaev Oljas 3-oryn “Jaŋa Qazaqstan” fraksiiasy (QazŪU) - Saparova Janna - Alman Şakira 4-oryn “Han” fraksiiasy (Kaspii universitetı men QazŪU) - Bahytjan Temırlan - Abdukarimova Aigerım LD (Linkoln Duglas) formaty boiynşa: 1-oryn - Saparova Janna; 2-oryn - Bahytjan Temırlan ielendı. Jeŋımpazdarǧa «Qazaqstandyq atom elektr stansiialary» JŞS demeuşılık qoldauymen arnaiy kubok, diplomdar jäne de qarjylai syilyqtar tabys etıldı. Final oiynynda töreşı bolǧan «Qazaqstandyq atom elektr stansiialary» JŞS müşesı Asuan Siiabekov:

"Bügın sondai keremet oiyn boldy. Jastardyŋ AES taqyrybynda aşyq aityp, onyŋ oŋ tūstaryn ūǧyp tūrǧanyna quanyşty boldym. Sauatty jastardyŋ boluy bızdıŋ bolaşaǧymyzdyŋ körınısı. Sauatty Qazaqstan, Jaŋa Qazaqstan qūramyz desek, sauatty ūrpaq tärbieleumız kerek. Halyq arasynda AES turaly köbıne jaŋsaq pıkır qalyptasqan. Onyŋ qauıptı tūstaryn ǧana sıŋırıp alǧanbyz. Dese de, bız atom bombasyn emes, quat közı, energiia beretın, damyǧan barlyq memleketterde bar atom elektr stansiiasy jaily söz qozǧaimyz. 30 jyl ışınde QHR-da AES sany 55-ke jettı jäne taǧy 15-ı salynyp jatyr. Fransiiada qazırgı uaqytta 58 AES bar. Olardyŋ 70% energiiasy osy arqyly quattanyp otyr. Osy dünielerdı ūqqanymyz abzal" dedı.

  Mädeniettanuşy, esımtanuşy Berdaly Ospan aǧamyz jastardyŋ özektı taqyryptarda sairap tūrǧanyna taŋdanasyn bıldırdı. Olardyŋ ūmtylysy men jalyndap tūrǧan jeŋıske degen ūmtylysyn körıp rizaşylyǧyn bıldırdı:

"Ömırdıŋ özı - debat. Bız ömır sürıp jürıp te, debattasumen jüremız. Dese de, bügıngı oiyn sondai tartysty, qyzyqty öttı. Taqyryptarǧa qatysty jastardyŋ bıldırgen oiy, ony jetkızuı, söz saptaulary ūnady. Degenmen de, tıl tazalyǧyna älı de män beruımız kerek" dedı Berdaly Ospan.

Oiyn taŋǧy saǧat 8-den keşkı 6-ǧa deiın jalǧasty. Tüskı üzılıs uaqytynda debatşylar arnaiy tüskı aspen qamtamasyz etıldı.