Ninety One tobynyŋ änderın tyŋdap, qazaq tılın üirengen AQŞ azamaty köptı täntı entı, dep jazady "Adyrna" ūlttyq portaly.
"Amerikalyq Evan Allen 2022 jyldyŋ qyrküiek aiynan bastap AQŞ ükımetınıŋ Fulbrait baǧdarlamasy boiynşa Tarazdaǧy universitetterdıŋ bırınde studentterge aǧylşyn tılınen sabaq beredı. Alaida Evan Qazaqstanda sabaq berıp qana qoimai, özı de Ninety One tobynyŋ änderı arqyly qazaq tılın üirenıp jür. Evan äzırge Qazaqstanda jürgendıkten Ninety One-men kezdesudı armandaidy", - delıngen Qazaqstandaǧy AQŞ elşılıgınıŋ resmi paraqşasynda.Evan Allen qazaq tılın üirenuge qanşa uaqyt ketkenın aitty.
«Men Ninety One tobyn bırneşe jyl būryn qazaq tılın endı ǧana üirene bastaǧan kezde tyŋdai bastadym. Men orys tılın bılmegendıkten, maǧan qazaq tılın üirenuge arnalǧan resurstardy tabu qiyn ǧoi. Sol üşın men būl top turaly köbırek bılgen uaqytta öte quanyşty boldym. Men olardyŋ änderın tyŋdap, YouTube-ten Ninety One Space beinebaiandaryn qarap, olardyŋ änderındegı är sözdıŋ aityluyn jäne intonasiiasyn qaitalap, qazaq tılın jaqsartu üşın köp uaqyt ötkızdım. Ötken aida dosymmen bırge Astanadaǧy jeke konsertterıne bardym. Men öte baqytty ärı quanyşty boldym jäne men siiaqty ärbır sözdı bıletın adamdardyŋ arasynda bolǧanym öte keremet boldy. Ninety One, sızderge muzykalaryŋyz üşın raqmet aitamyn jäne bır künı sızdermen jeke kezdesıp, alǧys aita alamyn degen ümıttemın», - deidı Evan Allen.
"Adyrna" ūlttyq portaly
