«AMANAT» partiiasynyŋ müşelerı latifundisterden jerdı tärkıleu prosesın baqylauda ūstaidy. Būl turaly «AMANAT» partiiasy janyndaǧy Memlekettık basqarudy damytu jäne sybailas jemqorlyqqa qarsy ıs-qimyl jönındegı respublikalyq qoǧamdyq keŋestıŋ töraǧasy Erlan Sairov mälımdedı.
Ol qazırgı uaqytta memleketke Bolat Nazarbaevtyŋ enşıles kompaniialaryna tiesılı Maŋǧystau oblysynda 239 myŋ gektar, Jambyl oblysynda 60 myŋ gektar jer memleketke qaitarylǧanyn atap öttı. Būǧan deiın Bas prokuraturamen bırlesıp jürgızılgen jūmys barysynda Bolat Nazarbaevqa tiesılı jalpy aumaǧy 244 gektar bolatyn 59 jer telımı anyqtalǧan edı.
«AMANAT» partiiasynyŋ Qoǧamdyq alaŋ retınde ärbır azamattyŋ enşısı bolyp tabylatyn ūlttyq bailyqty memleketke qaitaru basty missiiasy dep bılemız! «Barmaq basty, köz qystymen» jymqyrylǧan halyq yryzdyǧyn qaitaru jūmysyn jüielı jürgızemız. Märtebelı familiiaǧa, «būrynǧy eŋbegıŋızge», qaltaŋyzdyŋ qalyŋdyǧyna qaramaimyz. Halyqtyŋ menşıgıne qol saldyŋyz ba? Qaitarasyz. Almaqtyŋ da salmaǧy bar jäne ol auyr», - dedı Erlan Sairov.Sondai-aq, jiyn barysynda partiialyqtar Astana qalasy boiynşa sybailas jemqorlyqqa qarsy ıs-qimyl jönındegı jūmystyŋ jai-küiın jäne partiianyŋ sailaualdy uädelerın jüzege asyru jūmysyn qarady. Keŋes müşelerı soŋǧy üş jylda Astana qalasyndaǧy jergılıktı atqaruşy organdardaǧy sybailas jemqorlyqqa qarsy ıs-qimyl jönındegı jūmysty taldady. Körsetılgen kezeŋde Sybailas jemqorlyqqa qarsy qyzmet 203 sybailas jemqorlyq qylmysty tırkedı. Olardyŋ negızgı bölıgı paraqorlyq – 147, ūrlyq – 47 jäne lauazymdyq ökılettıkterın asyra paidalanudyŋ 9 faktısı tırkeldı. Keŋes töraǧasynyŋ orynbasary Ǧalym Baitoq atap ötkendei, jergılıktı atqaruşy organdardyŋ sybailas jemqorlyqqa qarsy ıs-qimyl jūmysynda formalizm oryn aluda. Atap aitqanda, elorda äkımdıgı janyndaǧy sybailas jemqorlyqqa qarsy ıs-qimyl jönındegı komissiia 2021 jyly 1 otyrys qana ötkızse, al 2020 jyly bırde-bır jiyn bolmaǧan.
«Elordadaǧy jergılıktı atqaruşy organdardyŋ jüktelgen mındettı oryndau kezındegı jauapkerşılıgı tömen ekenın atap ötu qajet. Astana qalasy boiynşa sybailas jemqorlyqqa qarsy ıs-qimyl jäne memlekettık basqarudy damytu jönındegı ısterdıŋ jai-küiın zerdeleu barysynda Keŋestıŋ jūmys toby sūratqan aqparatty Almaty audanynyŋ äkımdıgı jäne qūrylys basqarmasy müldem bermegen. Sondai-aq, elordanyŋ audandyq äkımdıkterınıŋ resmi saityn zerdeleu kezınde olardyŋ qajettı aqparatqa qol jetkızudı qamtamasyz etpegenı anyqtaldy», - dedı Ǧalym Baitoq.Keŋes töraǧasynyŋ orynbasary jūrtşylyqtyŋ şaǧymyn tudyryp otyrǧan elordadaǧy qūrylys mäselelerıne jeke toqtaldy.
«Elordada bei-bereket qūrylys jalǧasuda. Mysaly, Astana Mall SOO maŋyna 15-ten astam tūrǧyn üi keşenı salyndy jäne bırde-bır mektep joq. Būl äkımdıktıŋ äleumettık nysandardy: balabaqşalardy, mektepterdı, emhanalardy salu prosesın müldem qadaǧalamai, üiler saluǧa rūqsat beretındıgın aiǧaqtaidy. Būl prosess müldem rettelmegen, qajet jerge mektep salynbaǧan», - dep atap öttı ol.Aita ketu kerek, partiianyŋ «Özgerıster joly: Är azamatqa laiyqty ömır!» sailaualdy baǧdarlamasyn jüzege asyru aiasynda ekı jyl ışınde Astanada 19 mektep, 2 dene şynyqtyru-sauyqtyru keşenı, 21 medisina nysany, 400 myŋ şarşy metrden astam kommersiialyq üi-jai salyndy. Tek 2022 jyly 30 myŋnan astam jūmys orny aşyldy.
