Balyqtar neden qyryldy?

Atyrau oblysynda ölgen bekıre balyqtarynyŋ videosy Jelıde taralyp jatyr bügın, 10:44203 0 Atyrau oblysynda ölgen bekıre balyqtarynyŋ videosy Jelıde taralyp jatyr, - dep habarlaidy "Ak Jaiyk". Jergılıktı BAQ mälımetınşe, osy video "Lugovoi at zauyty" kompaniiasynyŋ Atyraudaǧy filialynda qala maŋyndaǧy Kök-arna auylynda tüsırılgen. Mekeme direktorynyŋ aituynşa, osyǧan deiın ölgen balyqtardy Ūlttyq saraptama ortalyǧynyŋ laboratoriiasyna jäne Qazaq tamaqtanu akademiiasyna jıberılgen. "Barlyǧy da dūrys dedı, iaǧni qosalqy zattar joq. Qūqyq qorǧau organdary kınälılerdı anyqtaǧanyn kütıp otyrmyz. Äzırşe barlyǧy ünsız. Barlyq ölgen balyqty bız alyp şyqtyq. Bükıl balyq ölıp qalǧan. Būl 36 tonna bekıre balyǧy. Qojaiyndary zalal mölşerın eseptep jatyr. Bügın soŋǧysyn alyp şyqtyq. Qojaiyndary ne ısteu kerektıgın aitady", - dedı filial direktory Amanjan Şaudanov.  Onyŋ aituynşa, "Lugovoi at zauyty" iesı Jambyl oblysynda ornalasqa bas keŋsede otyrady eken.  "Qazırgı uaqytta olardyŋ ökılı bar. Taiauda Atyrauǧa basşylyǧy da keledı. Būl nesiege alynǧan qarajat edı. Eger zalal ötelmeitın bolsa, onda būl jerdıŋ bolaşaǧy joq. Menıŋ jūmysym - ölgen balyqtardy şyǧaryp, Jaiyqty ulamau. Qojaiyndardyŋ jalǧy aitqany, ölgen balyqtardyŋ ısımen ainalysyp jatqan tergeuşılerge bailanysu qajet", - dedı Şaudanov.  Aita keteiık, Atyrau oblysynda balyqtardyŋ jappai qyryluy osymen bırneşe ret anyqtalyp otyr. 2018 jyly jeltoqsannyŋ basynda özende ölgen bırneşe balyq türı tonnalap şyǧarylǧan edı