Qazaqstan prezidentı «Ruhani jaŋǧyru» jäne oblystyŋ turistık äleuetın damytu baǧdarlamalaryn sapaly ıske asyru qajettıgıne basa nazar audardy.
"Jalpy, ışkı öŋırlık önım kölemı 104 paiyzǧa artty. Ösım deŋgeiı önerkäsıp salasynda 118 paiyzǧa, auyl şaruaşylyǧy boiynşa 107 paiyzǧa jettı. Közdegen körsetkışterdıŋ bärıne qol jetkızıp kelemız", – dedı Şyǧys Qazaqstan oblysynyŋ äkımı.
Sonymen qatar, Ahmetov memleket basşysyna öŋırdegı densaulyq saqtau salasy boiynşa halyqqa qyzmet körsetu sapasyn arttyru üşın qabyldanyp jatqan şaralar turaly mälımdedı.
"2015 jyly onkologiia, kardiologiia, ana men bala, travmatologiia siiaqty 4 baǧyttyŋ qajettı qūral-jabdyqtarmen qamtamasyz etıluın anyqtau maqsatymen densaulyq saqtau salasyna taldau jasadyq.
Sonymen qatar, därıgerler daiarlaudyŋ üş deŋgeilı jüiesın äzırledık. Būl Semei qalasyndaǧy Memlekettık medisina universitetınde bılım beru, şeberlık synyptaryn ötkızıp, şetelde oqytu ısın qamtityn bolady. Bız osy jūmysty odan ärı jalǧastyra beremız", – dedı Şyǧys Qazaqstan oblysynyŋ äkımı.
Danial Ahmetov bılım beru, auyz sumen qamtu, jaŋa tūrǧyn üiler salu jäne eldı mekenderdı abattandyru salalarynda atqarylyp jatqan jūmystar jönınde aitty.
Kezdesu soŋynda memleket basşysy bırqatar naqty tapsyrma berdı.
