Sifrlyq damu, innovasiialar jäne aoeroǧaryş önerkäsıbı ministrı Baǧdat Musin Türkiiada jer sılkınısı kezınde qaza tapqan Mirbolat Qūrmaşev turaly estelıgımen bölıstı. Aituynşa, marqūm azamat ekeuı kurstas bolǧan, dep habarlaidy «Adyrna» tılşısı.
«Soŋǧy ümıt oty söndı. Sengım kelmeidı… Soŋyna deiın ümıttenıp edık. Alaida Mirus bauyrymyzdan aiyrylyp qaldyq… Ekeumız kurstas boldyq. Ol öte kreativtı edı, auqymdy dünieler jasaǧysy keletın, tartymdylyǧynyŋ arqasynda adamdardy ūiymdastyra alatyn. Dınge berık adam edı. Maǧjan («Astana Hub» bas direktory –Maǧjan Mädiev - red) Astana Habty qūru boiynşa alǧaşqy qadamdaryn bastaǧanda ol köp kömek ettı, tegın, eşqandai kelısımsız. Qolynan kelgenın ıstep, Qazaqstannyŋ IT-salasyn damytuǧa ülesı men kömegın qosty»,—dedı ol.Ministr dosynyŋ Qazaqstanda bırneşe biznes bastamasy bolǧanyn atap öttı.
«2020 jyly memlekettıŋ qatysuymen bır-ekı jobany ıske asyrǧysy keldı. Bıraq, Memleket basşysy menı ministr etıp taǧaiyndaǧan kezde ol jobalardan öz erkımen bas tartty. Aramyzda tüsınıspeuşılık tudyratyn jaǧdailardy boldyrmau üşın men ideialarymdy şet elde jüzege asyramyn dedı. Mirus - jihankez, bıraz jerde boldy, bıraq tūraqtalu üşın Türkiiany taŋdap, soŋǧy ekı jyl negızınen sol jaqta tūryp jatty. Prezidenttıŋ Ankaraǧa resmi saparynyŋ aldyndaǧy qazaqstandyq IT-mamandarynyŋ sol jaqqa barǧanyn bärıŋız bıletın şyǧarsyzdar. Bız sol kezde olardy Stambuldyŋ bırneşe ırı IT-kompaniiasyna aparǧan edık. Mirus osy ıs-şaranyŋ negızgı ūiymdastyruşysy boldy. Bız oǧan Astana Habtyŋ ökılı boludy ūsyndyq, öitkenı ekı memlekettıŋ habtary men mamandaryn jaqyndastyratyn adamnyŋ boluy maŋyzdy edı. Studenttık kezden de bıraz jaqsy estelıkter bar, jaqyn aralasqan joldastary olardy aityp jatar dep oilaimyn. İmandy bolsyn! Janyŋ jännattan oryn tapsyn, bauyrym»,—dep jazdy Baǧdat Musin.
