Qazaqstan Respublikasynyŋ Aqparat jäne qoǧamdyq kelısım ministrlıgı äzırlep, E-gov saitynda jariialanǧan «Mass-media turaly» Zaŋynyŋ jobasymen tanysyp şyqtyq. Būryn auyzşa Baspasöz turaly zaŋ dep aita beruşı edık, būl joba «Mass-media turaly» dep atalypty. Joba üstımızdegı jylǧy 2-aqpanda ūsynylypty da talqylau 16-nauryzǧa deiın jalǧasady eken. 70 baptan tūratyn joba ūzaqtau körıngen. Söitsek būl joba ıs jüzınde Qazaqstan Respublikasynyŋ «Būqaralyq aqparat qūraldary turaly» jäne «Teleradio habarlaryn taratu turaly» ekı Zaŋdy bır ataumen bırıktırıp otyrǧany baiqalady.
Jobanyŋ basty artyqşylyǧy mūnda jurnalistıŋ qūqyqtary men mındetterı barynşa naqtylanyp, jurnalist märtebesı tūŋǧyş ret belgılenılıptı. Otyz jyldan berı aityp jürgen mäselemız. Ol üşın jurnalisterdı basqa jazǧyştardan ajyratatyn «press karta» engızıluı de men üşın qūptarlyq qadam. Baspasöz kartasy jurnalistık joǧary bılımı bar, BAQ-ta kemınde üş jyl, diplomy joqtarǧa kemınde bes jyl täjıribesı bar azamattarǧa berıledı. Būl ärı qarai jurnalist märtebesın ielengenderdıŋ äleumettık jaǧdailaryn şeşuge de yqpal etse jaqsy bolar edı.
Ärine, mūndai qaǧidalar blogerlerge, internet resurstarda jūmys ısteitınderge jaqpauy mümkın. Menıŋşe olarǧa arnalǧan basqa zaŋ jobasy äzırlengenı dūrys bolar edı.
Jobada taǧy bır atap ötetın närse memlekettık tılge qatysty talaptardyŋ küşeitıluı. Eŋ aldymen memlekettık tılımızdegı tele-radio baǧdarlamalarynyŋ kölemı basqa tılderdegı tele-, radiobaǧdarlamalardyŋ jiyntyq köleminen kem bolmauǧa tiis ekendıgı körsetılgen. Subtitr paidalanylatyn telebaǧdarlamalar men filmderdıŋ audarmasy memlekettık tıldegı telebaǧdarlamalardyŋ jalpy kölemıne kırmeitındıgı de tılge qatysty talaptardy küşeite tüsken.
Öz basyma zaŋ jobasynyŋ 24 babyndaǧy şeteldık tele-, radioarnanyŋ materialdary Qazaqstan Respublikasynyŋ konstitusiialyq qūrylysyn küştep özgertudi, tūtastyǧyn būzudy, memleket qauipsizdigine nūqsan keltirudi, soǧysty, ekstremizmdi nemese terrorizmdı, qatygezdik pen zorlyq-zombylyqty nasihattaityn bolsa ondai şeteldık būqaralyq qūraldaryn esepke qoiudan bas tartylatyny ūnady. Iаǧni soǧysty nasihattaityndar, Z belgısıne qūmar telearnalar Qazaqstan aumaǧynda tairaŋdai almaidy degen söz. Sondai-aq dybystyq süiemeldeudıŋ köp arnaly berıluın paidalanatyn telearnalar negızgı dybystyq süiemeldeudı memlekettık tılde paidalanuǧa tiıs ekendıgı de mındettelgen.
Qosymşa aitarym, uäkılettı organnyŋ baqylau-qadaǧalau qyzmetın demokratiialyq talaptar eskerıle otyryp jasalǧany dūrys pa deimın. Osy tūrǧydan alǧanda Būqaralyq aqparat qūraldary qyzmetınıŋ mäselelerı jönındegı respublikalyq jäne öŋırlık qoǧamdyq-käsıptık keŋester qūru (41 bap) qajetı bar ma degen oi keledı. Ärine, jobanyŋ ūsaq-tüiek kemşın tūstary boluy yqtimal. Jalpy alǧanda būl joba aldaǧy uaqytta mass-media salasynyŋ jemıstı jūmys ısteuıne äbden jarap tūr. Sondyqtan qalamdas ärıptester, jobaǧa qoldau körseteiık!
Marat Bäidıldaūly (Toqaşbaev), jazuşy-publisist
