Petropavldaǵy jaǵdaıdan keıin elimizdiń barlyq mektebinde tekseris júrgiziledi. Bul týraly Oqý-aǵartý mınıstrliginiń baspasóz qyzmeti habarlady, dep jazady “Adyrna” ulttyq portaly.
Oqý-aǵartý mınıstri Ǵanı Beısembaev Petropavl qalasyndaǵy mektepte bolǵan oqıǵaǵa qatysty komıssııa qurýdy tapsyrdy. Onyń quramyna Balalar quqyǵyn qorǵaý komıteti, Bilim berý sapasyn qamtamasyz etý departamenti, SQO Bilim basqarmasynyń ókilderi kirdi.
"Aıta ketetin jaıt, mektepte qaýipsizdikti qamtamasyz etý úshin beınebaqylaý kameralary men dabyl túımesi ornatylǵan. Oqıǵanyń mán-jaıy anyqtalyp jatyr", - delingen habarlamada.
Sonymen qatar oblystar men respýblıkalyq mańyzy bar qalalardyń bilim basqarmalaryna elimizdiń barlyq jalpy bilim beretin mektepterine qaýipsizdikke baılanysty tekseris júrgizý tapsyryldy.
“Adyrna” ulttyq portaly
