Málik Ǵabdýllın mýzeıiniń qyzmetkerleri Almaty qalasynda "Máliktiń rýhy halyqpen" atty tanymdyq-taǵylymdyq ekspedıııa uıymdastyrdy, dep jazady “Adyrna” ulttyq portaly.
Is-sapardyń alǵashqy kúni ekspedıııa músheleri M.Ǵabdýllınniń ómiri men shyǵarmashylyǵyn, qos batyrdyń erlik joly men dostyq qarym-qatynasyn jas urpaqqa úlgi etý maqsatynda Baýyrjan Momyshuly atyndaǵy "Jas Ulan" respýblıkalyq mektebinde "Aǵaly-inili qos batyr, qııamettik dos batyr" atty kesh ótkizdi.
Ekspedıııalyq top múshelerin "Jas ulan" respýblıkalyq mektebiniń basshysy podpolkovnık Nurlyhan Satbaıuly jyly shyraımen qarsy aldy. Sondaı-aq mektep klýbynyń basshysy Qajymuqan Maǵazbekuly mekteptiń tynys-tirshiligi, Baýyrjan Momyshulynyń tulǵasy dáripteletin mektep murajaıymen tanystyrdy.
Kesh barysynda M.Ǵabdýllınniń ónegeli ómir jolynan syr shertetin "Ǵajaıyp ómir baspaldaqtary" atty jyljymaly kórme tanystyrylyp, "Málik Ǵabdýllın men Baýyrjan Momyshuly arasyndaǵy rýhanı baılanys kezeńderi" taqyrybynda dáris oqyldy. Kópshilik qaýymǵa Málik batyrdyń "Qazaq balasy" qoljazbasy týraly baıandaldy.
Osylaısha Kókshetaýdaǵy Málik batyr mýzeıinde "Juldyzsyz batyr" atanǵan Baýyrjannyń tulǵasy qalaı nasıhattalsa, búgin Almatynyń tórinde qos batyrdyń erligi men dostyǵyn teńdeı nasıhattaýdyń sáti tústi. Respýblıkalyq mekteptiń túlekteri Baýyrjan Momyshulynyń da tulǵalyq obrazyn kóterip júrgen mýzeı qyzmetkerleriniń eńbekterine kózderi qýanyp, kóńilderi súısindi.
Is-shara sońynda mektep murajaıyna estelik syılyqtar tabystaldy. Mektep ujymy Baýyrjan Momyshulynyń da tulǵalyq obrazyn kóterip júrgen mýzeı qyzmetkerleriniń eńbegine rızashylyqtaryn bildirdi.
”Adyrna” ulttyq portaly
