Türkiiada zılzala zardaptaryn joiuǧa jūmyldyrylǧan bızdıŋ azamattar belsendı türde järdem körsetıp jatyr. Olar ızdeu-qūtqaru jūmystary jürgızıle bastaǧan künnen bastap 7 adamdy tırıdei jaryq künmen qauyştyrdy. Olardy bırden medisina qyzmetkerlerıne tapsyrdy. Üiındı astynan ölı küiınde tabylyp, jer betıne şyǧarylǧan 85 adam boldy. Onyŋ 10-y bala, dep habarlaidy "Adyrna" ūlttyq portaly.
Qazırgı uaqytta Qazaqstan TJM qūtqaruşylary ekı eldı-mekende ızdeu-qūtqaru jūmystaryn jalǧastyryp jatyr.
"Qiraǧan üilerdıŋ ornyndaǧy üiındılerdıŋ arasyn aşu jūmystary jürgızılude. Qūtqaruşylar tūraqsyz qūrylymdardy bölşekteu jäne arnaiy keskıştıŋ kömegımen jol tazartu jäne qirandylardyŋ astynan zardap şekkenderdı ızdeudı jeŋıldetu üşın üiındılerdıŋ astyndaǧy armaturany kesu jūmystary jürgızude. Būl beton, arqalyqtar jäne basqa da qūrylys qaldyqtaryn bölşektep, arnaiy tehnikaǧa jükteudı jeŋıldetu üşın jasalady", dedı QR TJM baspasöz qyzmetı.Bırınşı lekpen jedel jetken qūtqaruşylar toby Gaziantep qalasynda täulık boiy ekı auysymda ekı aimaqta jūmys ısteude. Qazaqstann TJM-nyŋ ekınşı legı Türkiianyŋ Nurdagy qalasynda ızdeu-qūtqaru jūmystaryn täulık boiy jürgızıp jatyr.
"Adyrna" ūlttyq portaly
Ūqsas jaŋalyqtar
