Kurseramen küres kımge tiımdı?

«Ūlttyq audarma biurosy» Qoǧamdyq qorynda jauapty şyǧaruşy-redaktor boldym. Būl joba aiasynda älemnıŋ eŋ üzdık 100 oqulyǧy qazaq tılıne tolyq audaryldy. Sonda jemıs bergen aǧaşqa tas atatynyna äbden kuä boldym. Qazaq tılıne qūndylyq audarylsa şūbartıldıler men orysşyldar şulap şyǧa keledı eken. Äuelı LGBT qauymdastyǧy Şyǧystyq mädenietke laiyqtap kesılgen jerlerdı tūtas berıŋder dep şulatty. Sosyn Resei elşılıgı kep kilıktı. Nege Batys kıtaptaryn audaryp kettıŋder, orys kıtaptary taqiialaryŋa tar me edı dep aşyǧyn aitty. Oibai, körşımnen ūiat bolmasyn dep semiosfera, tarih, kinoǧa bailanysty bırneşe orys kıtaptaryn qosa audardyq. Ekı jyldai būryn «Qazaq tılındegı jüz jaŋa oqulyq» jobasyna qatysty sotqa äureledı (özımızdıkıler). Keiın sotta taǧylǧan barlyq aiyptyŋ negızsız ekenı däleldendı. Endı Kursera qazaqşaǧa audarylyp edı, şala bauyrlar şala bülınıp jatqan siiaqty. Tüsıngenım - qazaqtyŋ közı aşylǧanǧa qarsy jūmys ısteitın arnaiy mafiia bar siiaqty, şyn küdıktenem. Qūdai aqyryn bersın äiteuır. Artqa qarailaimyn da, talai aqşa talan-taraj bolǧanda tulamaityndar, qazaq tılındegı igı bastamaǧa kelgende börınıŋ kötındei şulap ketedı bar ǧo. Al audarylǧan 100 oqulyq bolsa, tılımız ben onyŋ bolaşaǧy, sol tıldegı bılım men onyŋ sapasy üşın kürestegı būryn soŋdy bolmaǧan ılgerı qadam, köptıŋ tılegı, ülken talaby, zor eŋbegımen kelgen şyn mänındegı eldık tabys, qūndylyq bop qaldy ǧoi.