Biylǧy 19 nauryzda ötetın Mäjılıs jäne maslihat deputattaryn sailauǧa türlı qoǧamdyq ūiymdar baqylauşylyq jasauǧa belsene kırısıp jatqany belgılı. Solardyŋ qatarynda «BAQYLA» Qoǧamdyq qozǧalysy da bar. Qazırdıŋ özınde atalǧan qozǧalys öz baiqauşylaryn daiyndauǧa kırısıp ketkenın mälımdedı, dep jazady "Adyrna" ūlttyq portaly.
Qoǧamdyq qozǧalystyŋ Ortalyq ştaby Almaty qalasynda ornalasqan. Sondai-aq elımızdıŋ 17 qalasynan öŋırlık ştabtar aşylǧan.
Būǧan deiın «BAQYLA» Qazaqstannyŋ prezidentın sailau kezınde baqylauşylyq jasap, 27 qalada dauys beru prosesın qadaǧalau jūmysyn sättı atqarǧan bolatyn.
Qazırgı künı baqylau jelılerınıŋ basşylary men öŋırlık üilestıruşılerı sailau prosesın baqylau teoriiasy men praktikasy boiynşa arnaiy kurstardan onlain formatta jäne oflain kezdesuler arqyly ötıp jatyr.
Bız qoǧamdyq qozǧalystyŋ baqylauşylaryna sabaq ötkızıp, trening jürgızıp jürgen saiasatker, qoǧam qairatkerı Dos Köşımnen az-kem pıkır alǧan edık.
Dos Köşım:
- Keşeden bastap oblys, qalalardaǧy üilestıruşılerdı oqytudy bastadyq. «BAQYLA» Qoǧamdyq qozǧalysy – Qazaqstannyŋ köptegen negızgı qalalaryn, oblystaryn qamtityn bırlesken baqylau ortalyǧy ǧoi. Sondaǧy adamdardy oqytyp jatyrmyz. Keşe 25 öŋırdıŋ üilestıruşılerı qatysty. Almaty qalasyndaǧylarmen bız tıkelei kezdesıp, seminar sabaqtaryn ötkızemız. Al qalǧan öŋırler boiynşa onlain trenigter ötedı. Ärine, menıŋ mındetım tek oqytu, eger ūiymdastyruşylar basqa aimaqtarǧa oflain ötkızudı josparlasa, oǧan baruǧa daiynbyz. Qanşa ret sabaq ötkızemız degenge kelsek, ol ärtürlı boluy mümkın. Mysaly, ötken jyly prezident sailauy aldynda 4-5 ret seminar boldy, onyŋ ışınde 2-3 tıkelei oflain öttı. Negızınen oblys, qalalardaǧy adamdarmen bırlesıp, bır jelı qūryp, bailanysqannan keiın, bärın bırge oqytqan dūrys. Bıraq bız oǧan deiın «BAQYLA-ǧa» qosylam degenderdı jeke oqytyp jatyrmyz. Būl artyq bolmaidy. Eger qozǧalysqa qosylam degender ūiymdar, jeke adamdar bolsa, bız olarǧa jeke sabaqtar jürgıze beremız. Iаǧni 4-5 sabaqpen şektelıp qalmaimyz. Almatydaǧy baqylauşylardy tıkelei jolyǧyp, daiyndaimyz. Aldaryna üsteldı qoiyp, qalai sanau keregın körsetıp, tek teoriia jüzınde emes, praktikalyq sabaqtar ötkızemız. Būl öte tiımdı. Közbe-köz sūraqtaryna jauap berıp, qatysuşylardyŋ pıkır, ūsynystaryn tyŋdau bır bölek. Onlain ötkızgen uaqytta, ökınışke orai, sūraqtar köp bolmaidy. Jalpy aitarym, qoǧamdyq qozǧalystardyŋ köp bolǧany dūrys. Kezınde baqylau jūmystaryn bız 1999 jyly bastaǧan edık. Qūrylǧan ūiymdar keibırı ketedı, keibırı qalady. Al bıreulerı bırıgıp jatady. Bärıbır alǧa damu bar. Ösu bar. Baqylauşylyq qozǧalystardyŋ şama kelgenşe jolyn aşu kerek. Olardy är uaqytta qoldauymyz kerek. Özım baiqauşylyq jasaityn ūiymdardyŋ köbeigenın qūp köremın. Men bır baqylauşylyq ūiymǧa jinalyŋyzdar dep aitpaimyn, bıraq sailau uchaskelerıne baqylauşy qoiar kezde üilestıruşınıŋ jūmysy asa qajet. Öitkenı, bır uchaskede 5 adam otyrsa, kelesı uchaskede eşkım otyrmaidy. Ony byltyrǧy sailauda kördık. Mysaly, Almaty boiynşa 5-6 baiqauşylar ūiymy bar desek, solar retımen bölınıp, barlyq dauys beru uchaskesın jaba alatyndai bolsa, jaqsy bolar edı. Sony ūiymdastyru şaruasy jürgızıluı kerek. Bızge bailanysyp, bırge jūmys ısteude älı de problema bar dep oilaimyn. Är sailau punktınde mynanşa adam otyru kerek degen zaŋ joq. Tek är ūiymnan bır ǧana baqylauşy boluy kerek. Aldaǧy sailaudy baqylaimyz dep otyrǧan 5-6 qoǧamdyq qozǧalys bar. Sodan soŋ Mäjılıs pen maslihatqa tüsıp jatqan ümıtkerlerdıŋ baqylauşylary bar. Sonymen bır dauys beru uchaskesınde kem degende 6-7 adam otyratyn siiaqty. Būl öte jaqsy ürdıs. Dauys berudı baqylaǧan adamnyŋ közı aşylady. Sailaudyŋ ne ekenın bıledı. Azamattyq közqarasy oianady. Sondyqtan ünemı azamat bolǧyŋ kelse baqylauşy bol dep jüremın.
"Adyrna" ūlttyq portaly
